2 Samuel 18:27 - Mbeti ti Nzapa - Tënë so amu fini

²⁷ Sanziri ni akiri atene: “Kozo zo so amu loro si ayeke ga so, lo yeke kpe loro tongana Ahimaas, molenge ti Sadok.” Gbia atene: “Maseka-koli so ayeke nzoni mingi. Gbaa nzoni sango laa lo yeke ga na ni.”

2 Samuel 18:27 ပူးပေါင်းရင်းမြစ်များ

2 Samuel 18:26

sanziri so ayeke na li ti gbagba akiri abaa mbeni koli so ayeke ga gi na loro. Sanziri ni adekongo na zo so ayeke bata yanga ti gbagba ni, atene: “Baa, mbeni koli amu loro si ayeke ga gi lo oko!” Gbia atene: “Lo nga, lo yeke ga na nzoni sango.”

1 Agbia 1:42

So lo ngba ti tene tënë, Jonatan, molenge ti wayango-sandaga Abiatar asi. Adonia atene na lo: “Mo ga ge! Mo yeke koli so azo ane mo mingi! Gbaa, mo yeke ga na e nzoni sango laa!”

2 Agbia 9:20

Sanziri ni atene: “Use zo ti kpengo na mbarata ni ague ngbii asi na tere ti ala, lo kiri pepe. Me lege ti kpengo na pusu ti mbarata ti zo ni akpa gi ti Yehu, molenge ti Nimshi. Yehu ayeke kpe ka na pusu ti mbarata tongana mbeni zo ti gbogbolinda.”

Amato 25:13

Na ngoi ti fango ale ti kobe, ngu ti de ayeke sara si tere ti zo ade nzoni. Legeoko nga, zo ti tokua so asara kua ti lo na legeni ayeke de be ti zo ti tokuango lo.

Amato 25:25

Nzoni sango so alondo na yongoro ndo si aga ayeke tongana ngu ti de ndali ti zo so nzara ti ngu ahon ndö ti lo.

Ésaïe 52:7

So ayeke nzoni ye mingi ti baa zo so aga na nzoni tënë na li ti ahoto! Lo yeke fa tënë ti siriri, tënë ti nzoni dutingo ti zo nga na tënë ti songo zo na kuâ. Lo yeke tene na Jérusalem: “Nzapa ti mo ayeke le-gbia!”

Rome 10:15

Fade azo ayeke fa tënë ni tongana nyen so a tokua ala pepe so? Mbeti ti Nzapa atene nga: “So ayeke nzoni ye mingi ti baa azo so aga ti fa anzoni tënë!”