2 Samuel 18:23 - Mbeti ti Nzapa - Tënë so amu fini

²³ Ahimaas akiri atene: “Ataa nyen o, mbi yeke gue!” Yoab atene na lo: “Nzoni! Mo gue ma.” Ahimaas amu loro na lege so ague na lando ti Jourdain, lo gue, lo hon zo ti Etiopii so.

2 Samuel 18:23 ပူးပေါင်းရင်းမြစ်များ

2 Samuel 18:21

Na pekoni, Yoab atene na mbeni zo ti Etiopii so ayeke ngbaa, lo tene: “Gue mo tene peko ti ye so kue mo baa so na gbia.” Zo ti Etiopii ni akuku, akpo li ti lo na sese na dawa ti Yoab. Na pekoni, lo hon na loro.

2 Samuel 18:22

Ahimaas, molenge ti Sadok akiri atene na Yoab: “Samafu! Zia mbi nga, mbi mu loro, mbi gue na peko ti zo ti Etiopii so.” Yoab atene na lo: “Molenge ti mbi, mo ye ti mu loro ti gue ngbanga ti nyen? Mo yeke wara nzoni ye oko pepe na lege ti sango so!”

2 Samuel 18:24

Andaa David ayeke duti na popo ti ayanga ti gbagba use. Mbeni sanziri ayeke na ndö ti gbagba ti gbata ni, na ndo so a leke titene azo aduti daa. Lo yo le ti lo na nduzu si lo baa mbeni koli ayeke ga na loro gi lo oko.

Jean 20:4

Ala use kue ayeke kpe loro, me mbeni disiple ni akpe loro ngangu ahon Pierre; lo si na du ti kuâ ni kozoni.