2 Samuel 18:21 - Mbeti ti Nzapa - Tënë so amu fini

²¹ Na pekoni, Yoab atene na mbeni zo ti Etiopii so ayeke ngbaa, lo tene: “Gue mo tene peko ti ye so kue mo baa so na gbia.” Zo ti Etiopii ni akuku, akpo li ti lo na sese na dawa ti Yoab. Na pekoni, lo hon na loro.

2 Samuel 18:21 ပူးပေါင်းရင်းမြစ်များ

2 Samuel 18:20

Yoab atene na lo: “Laso, nzoni sango titene mo gue na ni ayeke daa pepe; mo ku mbeni lango nde. Mo gue laso pepe, ngbanga ti so molenge ti gbia laa akui so.”

2 Samuel 18:22

Ahimaas, molenge ti Sadok akiri atene na Yoab: “Samafu! Zia mbi nga, mbi mu loro, mbi gue na peko ti zo ti Etiopii so.” Yoab atene na lo: “Molenge ti mbi, mo ye ti mu loro ti gue ngbanga ti nyen? Mo yeke wara nzoni ye oko pepe na lege ti sango so!”

2 Samuel 18:23

Ahimaas akiri atene: “Ataa nyen o, mbi yeke gue!” Yoab atene na lo: “Nzoni! Mo gue ma.” Ahimaas amu loro na lege so ague na lando ti Jourdain, lo gue, lo hon zo ti Etiopii so.

2 Samuel 18:31

Kete na pekoni, zo ti Etiopii ni asi. Lo tene: “Gbia ti mbi, mbi ga na mo nzoni sango! Laso, KOTA GBIA afâ ya ti ngbanga na lege so lo zi mo na maboko ti azo so kue lani alondo na tere ti mo.”