2 Samuel 18:20 - Mbeti ti Nzapa - Tënë so amu fini

²⁰ Yoab atene na lo: “Laso, nzoni sango titene mo gue na ni ayeke daa pepe; mo ku mbeni lango nde. Mo gue laso pepe, ngbanga ti so molenge ti gbia laa akui so.”

2 Samuel 18:20 ပူးပေါင်းရင်းမြစ်များ

2 Samuel 18:19

Ahimaas, molenge ti Sadok, atene na Yoab: “Zia lege na mbi, mbi mu loro, mbi gue, mbi tene sango so na gbia, mbi tene, *KOTA GBIA afâ ya ti ngbanga na lege so lo zi gbia na maboko ti awato ti lo.”

2 Samuel 18:21

Na pekoni, Yoab atene na mbeni zo ti Etiopii so ayeke ngbaa, lo tene: “Gue mo tene peko ti ye so kue mo baa so na gbia.” Zo ti Etiopii ni akuku, akpo li ti lo na sese na dawa ti Yoab. Na pekoni, lo hon na loro.

2 Samuel 18:27

Sanziri ni akiri atene: “Kozo zo so amu loro si ayeke ga so, lo yeke kpe loro tongana Ahimaas, molenge ti Sadok.” Gbia atene: “Maseka-koli so ayeke nzoni mingi. Gbaa nzoni sango laa lo yeke ga na ni.”

2 Samuel 18:29

Gbia ahunda ndo: “Maseka-koli Absalom ayeke senge?” Ahimaas akiri tënë: “Na ndembe so Yoab atokua mbi, mbi na mbeni zo ti gbe ti mo, mbi baa azo ayeke sara wuluwulu mingi mingi, mbi hinga ye so asi pepe.”

2 Samuel 18:5

Gbia amu yanga na Yoab, na Abishai nga na Itai, atene: “Ndali ti mbi, ala sara ye ti ngangu pepe na maseka-koli Absalom!” Aturugu kue ama tënë so gbia atene na amakonzi ndali ti Absalom so.

2 Samuel 19:1

Na mango tënë so, mawa ahon ndö ti gbia David. Lo gue na ya ti kubu so ayeke na ndö ti gbagba ti gbata ni si lo yeke toto. Lo yeke tambula si lo yeke tene: “Absalom, molenge ti mbi-oo! Absalom, molenge ti mbi-oo! Mbi laa mbi kui fade na plase ti mo, ka ayeke nzoni! Oo, Absalom molenge ti mbi, molenge ti mbi!”