2 Samuel 18:2 - Mbeti ti Nzapa - Tënë so amu fini

² David akangbi ya ti aturugu ni ota: lo zia Yoab, so iri ti mama ti lo ayeke Seruya, na li ti ambeni turugu ni, lo zia Abishai, ita ti Yoab, na li ti ambeni. Abishai ayeke molenge ti Seruya. Lo zia Itai, zo ti gbata ti Gat na li ti ambeni. Na pekoni, gbia atene na aturugu ni: “Mbi nga, mbi ye titene mbi na ala, e gue na bira ni.”

2 Samuel 18:2 ပူးပေါင်းရင်းမြစ်များ

2 Samuel 17:11

Ti mbi, wango so mbi ye ti mu ayeke so: ayeke nzoni mo bongbi aturugu kue ti Israel na tere ti mo, ti londo na Dan ngbii asi na Bersheba. Alingbi wungo ti ala aduti tongana wungo ti mbutu ti yanga ti kota ngu-ingo. Na pekoni, mo wani, mo duti na li ti ala ti gue na bira ni.

2 Samuel 21:17

Me Abishai, so iri ti mama ti lo ayeke Seruya aga amu maboko na David si lo fâ zo ti Filistii ni. Nilaa aturugu ahunda na David ti deba yanga ti lo, atene: “Fade mo yeke kiri ti gue na bira na e pepe, tongaso pepe, gbia ayeke duti na Israel mbeni pepe.”

2 Samuel 23:18

Abishai, ita ti Yoab, so iri ti mama ti lo ayeke Seruya, lo yeke na popo ti aturugu ti batango gbia. Lo laa lo yo lani likongo ti lo na nduzu si lo koro ya ti azo 300; iri ti lo awu tongana ti akpengba turugu ota so.

2 Samuel 8:16

Yoab, so iri ti mama ti lo ayeke Seruya laa ayeke makonzi ti aturugu; Yoshafat, molenge ti Ahilud ayeke zo ti wabatango-ambeti.

1 Agbia 2:28

Yoab ama tënë ti ye so asi na Adonia nga na Abiatar. Tongaso lo kpe, lo honde tere ti lo na ya ti da ti *KOTA GBIA so a sara na bongo, lo gbu adidi ti gbalaka ni. Andaa Yoab amu lani peko ti Adonia, me lo mu peko ti Absalom pepe.

Abia (Psaumes) 3:6

Mbi lango na ndö ti gbogbo, lango ahon na mbi; ndade mbi zingo, ngbanga ti so KOTA GBIA laa abata mbi.

Awafango-ngbanga 7:16

Gédéon akangbi azo ngbangbo ota so na ya ti bongbi ota. Lo mu na zo oko oko tatalita, ta so ya ni ayeke senge nga na *tanda so ayeke na ya ti ta ni.

Awafango-ngbanga 7:19

Gédéon na azo ngbangbo oko so ayeke na tere ti lo asi na yanga ti bâbâ ti azo ti Madian nduru na be ti bi. Andaa a zi asanziri ni awe si ambeni nde laa aga. Gédéon na azo ti lo ahuru tatalita si ala fâ ya ti ata so ayeke na maboko ti ala.

Awafango-ngbanga 9:43

lo mu azo ti lo, lo kangbi ya ti ala ota si ala honde tere ti ala na ngonda. So ala baa azo ti Sishem ayeke sigigi na ya ti gbata ni, ala londo na ngonda si ala ga atiri bira na azo ni.

1 Samuel 11:11

Lango oko na pekoni, Saul akangbi ya ti aturugu ti Israel ota. So ndo angba kâ, ala gue, ali na ya ti bâbâ ti azo ti Amon. Ala fâ azo ni ngbii asi nduru na bekombite. Atanga ni akpe kirikiri, zo oko angba na tere ti mba ti lo pepe.