2 Samuel 18:18 - Mbeti ti Nzapa - Tënë so amu fini

¹⁸ So lani Absalom angba na fini, lo mu mbeni ngbongboro têne, lo leke aluti na nduzu na ndo so ayeke na popo-hoto ti Gbia. Lo tene na be ti lo, lo tene: “Mbi du molenge-koli pepe titene iri ti mbi angba ti gue na lege ti lo.” Nilaa lo zia iri ti lo wani na ndö ti sende ni. Azo angba ti iri ni “Sende ti Absalom” ngbii asi laso.

2 Samuel 18:18 ပူးပေါင်းရင်းမြစ်များ

Tongo nda ti aye 11:4

Na pekoni, ala tene na popo ti ala, atene: “E londo, e leke mbeni gbata; e leke mbeni kota da so li ni ayo, akpo le ti nduzu. Tongaso si iri ti e awu si e kangbi na ndö ti sese kue pepe.”

Tongo nda ti aye 11:9

Ndani laa a di iri ti ndo ni so Babel, ngbanga ti so na ndo so laa KOTA GBIA abuba ya ti yanga ti kodro so azo ti sese kue ayeke tene. Na ndo so nga laa KOTA GBIA akangbi ya ti ala na ndö ti sese kue.

Tongo nda ti aye 14:17

So Abram ahon ndö ti Kedor-Laomer na agbia so ayeke na tere ti lo si lo yeke kiri, gbia ti Sodome aga awara lo na popo-hoto ti Shave, so ti tene na popo-hoto ti gbia.

2 Samuel 14:27

Absalom adu amolenge-koli ota nga na molenge-wali oko. Iri ti molenge-wali ni ayeke Tamar; lo yeke pendere mingi.

Abia (Psaumes) 109:13

Ayeke nzoni a zi *ahale ti lo biani biani si na ya ti angu so ayeke ga na peko so, zo akiri ama iri ti ala pepe!

Abia (Psaumes) 49:11

E baa so, zo ti ndara ayeke kui kuingo, zo ti buba na zo so li ti lo ayeke daa pepe, ala yeke kui kuingo; ala yeke zia aye ti ala na ambeni zo.

Ésaïe 22:16

Nyen laa mo yeke na ni ge, nyen? Zo wa laa ayeke sewa ti mo ge si mo zi du ti kuâ ndali ti mo, mo leke ni ngbii asi na nduzu, mo zi ndangba ndo ti lango ti mo na ya ti têne so?

Jérémie 22:30

Tënë so lo tene ayeke so: “Ala su iri ti koli so na mbeti ti fa so lo yeke na molenge pepe, gigi ti lo abuba awe! Biani, mbeni *hale ti lo oko ayeke wara lege pepe ti duti na ndö ti mbata ti gbia David, ti sara komandema na sese ti Juda.”

Daniel 4:30

Taa gi na ngbonga ni so, tënë so a tene na ndö ti Nabukodonosor aga taa-tënë: azo atumba lo na popo ti ala; lo yeke te pere tongana bagara si ngu ti pere amu tere ti lo kue. Kua ti li ti lo ayo aga tongana kua ti tere ti *ngoalo si anzënë ti maboko ti lo ayo aga tongana ti andeke.

Wungo ti azo 32:42

Noba ague, amu ti lo gbata ti Kenat na akete kodro so ayeke na tere ni. Lo mu iri ti lo wani, lo zia na ndö ti gbata ni.

1 Samuel 15:12

Na kota ndaperere, Samuel alondo ti gue ti wara Saul. Mbeni zo atene na Samuel: “Saul ague na Karmel, lo mu atêne, lo leke aluti na nduzu ndali ti lo wani. Na pekoni, lo kiri, lo hon yongoro si lo gue na Gilgal.”