2 Samuel 18:14 - Mbeti ti Nzapa - Tënë so amu fini

¹⁴ Yoab atene: “Mo yeke buba ngoi ti mbi senge senge!” Yoab amu alikongo ota, lo gue, lo yoro na ya ti kate ti Absalom so angba fade na fini na ya ti keke na le ti nduzu so.

2 Samuel 18:14 ပူးပေါင်းရင်းမြစ်များ

2 Samuel 12:10

Ti fadeso, tënë ti fango zo ayeke ngba lakue na ya ti da ti mo, ngbanga ti so mo baa mbi tongana mbumbuse ye si mo mu wali ti Urii, zo ti mara ti Het si lo ga wali ti mo.

2 Samuel 14:30

Tongaso Absalom atene na azo ti kua ti lo: “Ala baa yaka ti *orze ti Yoab so ayeke na tere ti yaka ti mbi so. Ala gue, abi wâ daa!” Azo ti kua ni asara ye alingbi na yanga so lo mu.

2 Samuel 18:15

Amaseka-koli baleoko so ayeke yo aye ti bira ti Yoab aga angoro Absalom si ala fâ lo.

2 Samuel 18:5

Gbia amu yanga na Yoab, na Abishai nga na Itai, atene: “Ndali ti mbi, ala sara ye ti ngangu pepe na maseka-koli Absalom!” Aturugu kue ama tënë so gbia atene na amakonzi ndali ti Absalom so.

2 Samuel 19:1

Na mango tënë so, mawa ahon ndö ti gbia David. Lo gue na ya ti kubu so ayeke na ndö ti gbagba ti gbata ni si lo yeke toto. Lo yeke tambula si lo yeke tene: “Absalom, molenge ti mbi-oo! Absalom, molenge ti mbi-oo! Mbi laa mbi kui fade na plase ti mo, ka ayeke nzoni! Oo, Absalom molenge ti mbi, molenge ti mbi!”

2 Samuel 19:11

Me Absalom, lo so lani e mu lo ti ga gbia ti e so, lo kui na bira awe. Nyen laa e yeke ku ti sara titene gbia akiri?”

Mbeti ti Job 20:5

azo ti sioni ayeke dekongo na ngia, me dekongo ni ayeke ninga pepe; azo so ake Nzapa, ngia ti ala ayeke gue yongoro pepe.

Abia (Psaumes) 37:35

Mbi baa zo ti sioni so amu ngangu ti lo ti sara gi sioni na azo; lo kono ngbii lo ga tongana kota keke so angba fini ni.

Abia (Psaumes) 45:5

Ti fa nengo ti mo ti gbia, mo ko na ndö ti mbarata, mo gue, mo tiri bira ndali ti taa-tënë, ndali ti fango ngbanga ti mbirimbiri. Na lege ti ngangu ti maboko ti mo, mo sara aye ti ziango mbeto na be ti azo!

Matthieu 12:40

Biani, tongana ti so Jonas asara lango ota na bi ota na ya ti kota susu, fade *Molenge ti Zo ayeke sara nga lango ota na bi ota na gbe ti sese.

1 Tesalonike 5:3

Na ndembe so azo ayeke tene ande, atene: “E yeke na siriri, mbeni ye ti sarango e ayeke daa pepe!”, gi na ndembe so laa kota kpale ayeke ti na ndö ti ala fafade tongana songo ya ti mama ti ngo so aga nduru ti du. Fade ala yeke wara lege ti sigigi na ya ni pepe.

Awafango-ngbanga 4:21

Sisra akui na lango; Yael, wali ti Heber amu mbeni nduru keke so a kpo ni ti gbu da ti bongo, lo mu nga martoo, lo gue yeke-yeke, lo si na tere ti Sisra si lo kpo li ti lo na keke ni; keke ni asigigi na mbage ti li ti lo si ali na ya ti sese. Lege so Sisra akui laa.

Awafango-ngbanga 5:26

Na mbeni maboko ti lo, lo gbu keke so yanga ni aza si na maboko ti lo ti koli, lo gbu martoo ti azo ti kua. Lo pika li ti Sisra si bio ni asuru; lo koro ya ti li ti lo.

Awafango-ngbanga 5:31

KOTA GBIA, ayeke nzoni awato ti mo kue akui tongana ti so Sisra akui. Ayeke nzoni ala so aye mo aga tongana lâ so ato nda ti su na ngangu!” Tongaso siriri akiri na ya ti kodro ni na ya ti ngu baleosio.