2 Samuel 17:9 - Mbeti ti Nzapa - Tënë so amu fini

⁹ Fadeso, lo honde tere ti lo na ya ti mbeni du ti têne wala na mbeni ndo. Tongana a fâ azo na mbage ti e kozo, fade tënë ni ayeke mu ndo kue si azo ayeke tene: ‘A fâ azo mingi so amu peko ti Absalom.’

2 Samuel 17:9 ပူးပေါင်းရင်းမြစ်များ

2 Samuel 17:10

Tongaso, ataa turugu so ayeke na ngangu mingi si be ti lo akpengba tongana ti bamara, tongana lo ma tënë so, be ti lo ayeke fun kue, ngbanga ti so azo ti Israel kue ahinga atene, babâ ti mo ayeke mbeni kpengba turugu si aturugu so amu peko ti lo ayeke angangu zo ti bira.

2 Samuel 17:8

Mo hinga babâ ti mo na azo ti lo kue: ala kue ayeke akpengba turugu, ala sara ngonzo mingi tongana ti *urse so a nzi molenge ti lo na ya ti ngonda. Babâ ti mo ayeke zo ti bira; na bi, lo na tanga ti azo ti lo ayeke lango na ndo oko pepe.

Jérémie 41:9

Du ti ngu so Ismael abi kuâ ti azo so kue lo fâ ala daa so, ayeke kota du ti ngu so gbia Asa azi ni na ndembe so Basha, gbia ti Israel aga ti tiri bira na lo. Ismael abi kuâ ti azo ni daa asi.

Josué 7:5

Azo ti Ai afâ azo nduru na baleota na omene na popo ti azo ti Israel. Ti londo na yanga ti gbagba ti gbata ni, ala tumba tanga ti azo ni ngbii asi na Shebarim. Ala fâ ala na ndembe so ala zu hoto. Ngangu ti azo ti Israel ahunzi si ala woko kue.

Josué 8:6

Ala yeke londo ti tumba peko ti e, tongaso e yeke handa ala ti hon na ala yongoro na gbata ni. Ala yeke baa ti ala atene, e kpe na dawa ti ala tongana ti kozo.

1 Samuel 22:1

David alondo na ndo so, lo kpe, lo gue, lo honde tere ti lo na ya ti du ti têne na Adulam. A-ita ti lo na asewa ti babâ ti lo kue ama tënë ni si ala gue, awara lo.

1 Samuel 23:22

Tongaso, ala gue, agi nda ti tënë ni nzoni, ala gi ti hinga mbirimbiri ndo so lo yeke daa; ala gi nga ti hinga zo so abaa ndo so lo yeke daa. Mbi ma a tene, le ti lo akpengba mingi.

1 Samuel 24:3

Saul amu akpengba turugu saki ota na popo ti aturugu ti Israel kue si lo gue ti gi David na azo ti lo na ndo so abaa le na ndo so a iri ni Têne-ti-angasa-ti-ngonda.