2 Samuel 17:8 - Mbeti ti Nzapa - Tënë so amu fini

⁸ Mo hinga babâ ti mo na azo ti lo kue: ala kue ayeke akpengba turugu, ala sara ngonzo mingi tongana ti *urse so a nzi molenge ti lo na ya ti ngonda. Babâ ti mo ayeke zo ti bira; na bi, lo na tanga ti azo ti lo ayeke lango na ndo oko pepe.

2 Samuel 17:8 ပူးပေါင်းရင်းမြစ်များ

2 Samuel 15:18

Aturugu kue ti gbia atambula na gbe ti le ti lo: ala ti Kereti na ti Peleti, na aturugu ti Gat so wungo ti ala ngbangbo omene so amu lani peko ti David, ala yeke tambula na gbe ti le ti lo.

2 Samuel 17:9

Fadeso, lo honde tere ti lo na ya ti mbeni du ti têne wala na mbeni ndo. Tongana a fâ azo na mbage ti e kozo, fade tënë ni ayeke mu ndo kue si azo ayeke tene: ‘A fâ azo mingi so amu peko ti Absalom.’

2 Samuel 23:16

Tongaso akpengba turugu ota so ali na ya ti bâbâ ti azo ti Filistii na ngangu, ala to ngu ti du ti ngu so ayeke na yanga ti gbata ti Betlehem, ala ga na ni na David; me lo ke ti nyon ngu ni. Lo tuku ngu ni na sese tongana *sandaga ti samba ndali ti KOTA GBIA.

2 Samuel 23:18

Abishai, ita ti Yoab, so iri ti mama ti lo ayeke Seruya, lo yeke na popo ti aturugu ti batango gbia. Lo laa lo yo lani likongo ti lo na nduzu si lo koro ya ti azo 300; iri ti lo awu tongana ti akpengba turugu ota so.

2 Agbia 2:24

Élisée abaa ndo na peko, lo baa ala si lo deba ala na iri ti *KOTA GBIA. Tongaso amama ti *urse use alondo na ya ti ngonda asigigi si asuru ya ti amaseka baleosio na use na popo ti ala so.

Amato 17:12

Tengbingo tere na mama ti mbeni sioni nyama so a zi amolenge ti lo na tere ti lo, so laa ayeke nzoni ahon tengbingo tere na zo so ahinga ndo pepe si sarango aye ti buba ahon ndö ti lo.

Amato 28:15

Sioni makonzi so asara ngangu na azo ti kodro so ayeke na ya ti mawa, lo yeke tongana bamara so atoto, wala tongana sioni nyama so ahuru ti gbu nyama.

Ezekiel 19:2

“Mama ti ala ayeke lani zo wa? Lo yeke mbeni wali-bamara so alango na sese na popo ti abamara. Lo yeke mu kobe na amolenge ti lo na popo ti akete bamara.

Daniel 7:5

Use nyama ni ayeke tongana *urse. Lo mu tere ti lo na nduzu si lo luti mbage oko; abio ota ti kate ayeke na yanga ti lo, na popo ti apembe ti lo. A mu yanga na lo, atene: ‘Londo, mo te akasa mingi!’

Osée 13:8

Mbi yeke ti na ndö ti ala tongana mama ti *urse so azo agbu amolenge ti lo ahon na ala; mbi yeke suru ya ti kate ti ala. Na ndo so mbi yeke daa, mbi yeke mene ala tongana ti mama ti bamara; anyama ti ngonda ayeke suru ya ti ala kete kete.

Awafango-ngbanga 18:25

Azo ti Dan akiri tënë na lo: “Mo ngba ti so mê ti e na atënë ti mo so pepe! Tongana mo ngba daa, ambeni zo ti ngonzo na popo ti e ayeke londo fafadeso ti tuku na ndö ti ala si mo na asewa ti mo kue ayeke kui.”

1 Samuel 16:18

Mbeni zo ti kua oko akiri tënë, atene: “Mbi baa mbeni molenge ti Yese so ayeke lango na Betlehem. Molenge ni ayeke pika mozoko nzoni, lo yeke mbeni kpengba molenge, lo yeke mbeni ngangu turugu; lo yeke tene tënë na ndara; lo yeke mbeni pendere koli, KOTA GBIA ayeke na lo.”

1 Samuel 17:50

Tongaso, gi na mvingi na têne si David ahon ndö ti zo ti Filistii ni. Lo pika lo si lo fâ lo, me yongoro zeme ayeke na maboko ti lo pepe.

1 Samuel 23:23

Ando so kue lo honde tere ti lo daa, ala baa ni nzoni. Na pekoni, ala kiri aga afa na mbi ndo ni mbirimbiri si fade mbi na ala e gue. Tongana lo yeke na ya ti kodro ni, fade mbi yeke gi lo na ya ti kodro ni, mbi yeke gi lo na sese ti azo ti akete mara ti Juda oko oko kue ngbii mbi wara lo.”