2 Samuel 17:27 - Mbeti ti Nzapa - Tënë so amu fini

²⁷ So David asi na Mahanaim awe, Shobi, molenge ti Nahash, zo ti Raba, na Makir, molenge ti Amiel, zo ti Lo-Dabar nga na Barzilai, zo ti Rogelim, na sese ti Galaad, ala kue aga na tere ti David.

2 Samuel 17:27 ပူးပေါင်းရင်းမြစ်များ

2 Samuel 12:26

Yoab atiri bira na azo ti Raba, li-kodro ti azo ti Amon; lo mu vaka so gbia ni ayeke lango daa.

2 Samuel 17:26

Absalom na azo ti Israel asara bâbâ ti ala na Galaad.

2 Samuel 9:4

Gbia ahunda Siba, atene: “Lo yeke na ndo wa?” Siba akiri tënë na gbia, atene: “Lo yeke lango na ndo ti Makir, molenge ti Amiel, na kodro ti Lo-Dabar.”

1 Agbia 2:7

Mo sara nga nzoni be na amolenge ti Barzilai, zo ti sese ti Galaad. Ala sara lani nzoni be na mbi na lango so mbi kpe na dawa ti ita ti mo Absalom. Ala yeke te kobe lakue na ndö ti meza ti mo.

Esdras 2:61

Ambeni wayango-sandaga ayeke nga lani na ya ti oko kpale so: awayango-sandaga ti ahale ti Hobaya, ti Hakos na ti Barzilai. A di iri ti koli so Barzilai, ngbanga ti so lo mu mbeni molenge ti Barzilai, zo ti sese ti Galaad, ti ga wali ti lo.

1 Samuel 11:1

Nahash, gbia ti azo ti mara ti Amon aga angoro gbata ti Yabesh, na sese ti Galaad ti tiri bira na azo ni. Azo ti Yabesh kue atene na Nahash: “Sara *mbuki na e si fade e yeke duti na gbe ti mo.”