2 Samuel 17:23 - Mbeti ti Nzapa - Tënë so amu fini

²³ So Ahitofel abaa so azo ake ti ma wango ti lo, lo mu lele ti lo, lo ko na ndö ni si lo kiri na gbata ti lo. Lo leke tënë ti aye ti da ti lo, na pekoni, lo kanga kamba na go ti lo si lo kui. A lu lo na ya ti du ti kuâ ti babâ ti lo.

2 Samuel 17:23 ပူးပေါင်းရင်းမြစ်များ

2 Samuel 15:12

Na ndembe so Absalom ayeke mu asandaga, lo tokua azo na gbata ti Gilo ti iri Ahitofel, wamungo-wango ti David. Azo so amu peko ti Absalom, wungo ti ala ayeke gue guengo na nduzu, asara si lekengo tënë na hondengo ni na tere ti gbia aga ngangu mingi.

2 Samuel 15:31

Azo ague, atene na David: “Ahitofel ayeke na popo ti azo so ala na Absalom aleke tënë na hondengo ni na tere ti gbia.” David atene: “*KOTA GBIA, mbi voro mo, sara si wango ti Ahitofel aga buba wango!”

2 Samuel 16:23

Na ngoi ni so, wango so Ahitofel amu na azo, ala yeke ma ni tongana tënë ti Nzapa. Tongaso laa, ataa David, ataa Absalom, ala yeke sara ye alingbi gi na awango ti lo kue.

2 Samuel 17:22

Tongaso, David na azo so ayeke na lo alondo afâ ngu ti Jourdain. Na kota ndaperere, azo kue afâ ngu, zo oko angba na peko pepe.

1 Agbia 16:18

So Zimri abaa atene, ala mu gbata ni awe, lo li na ya ti mbeni da ti yangbo ti gbia ni; lo gbi da ni na li ti lo wani si lo kui.

2 Agbia 20:1

Na ngoi ni so, tere ti Ezekias aso nduru na kuâ. Wayanga-Nzapa Ésaïe, molenge ti Amoz aga abaa lo si atene na lo: “Tënë so *KOTA GBIA atene ayeke so: Mo leke tënë ti aye ti da ti mo biani, ngbanga ti so mo yeke kui, mo yeke ngba na fini pepe.”

Mbeti ti Job 31:3

Azo ayeke tene: “Ye ti vundu ayeke ndali ti azo ti kirikiri; ye ti ngangu ayeke ndali ti azo ti sarango sioni.”

Abia (Psaumes) 109:20

Andaa aye so kue so, KOTA GBIA ayeke kiri na ni na li ti azo ti bingo tënë na li ti mbi nga na ala so ayeke tene sioni tënë ti mbi.

Abia (Psaumes) 5:10

Zo alingbi ti zia be ti lo na ndö ti atënë ti yanga ti azo ni pepe; be ti ala asi singo na atënë ti fango zo; lege ti go ti ala ayeke tongana du ti kuâ so yanga ni azi kota; tënë ti yanga ti ala ayeke ti handango na azo.

Abia (Psaumes) 55:23

Zi akungba ti be ti mo, mo zia na ndö ti KOTA GBIA, fade lo yeke mu na mo aye so kue atia mo. Lo yeke zia zo ti mbirimbiri titene mbeni ye ayingi lo pepe.

Amato 16:18

Kuru baba ayeke gue na zo titene lo baa sioni; zo so abaa mba ti lo tongana senge zo, lo yeke gue ti ti.

Amato 19:3

Sarango ye ti buba ayeke buba gigi ti zo; na pekoni, be ti lo aso na KOTA GBIA.

Ésaïe 38:1

Na ngoi ni so, tere ti Ezekias aso nduru na kuâ. Wayanga-Nzapa Ésaïe, molenge ti Amoz aga abaa lo si atene na lo: “Tënë so *KOTA GBIA atene ayeke so: Mo leke tënë ti aye ti da ti mo biani, ngbanga ti so mo yeke kui, mo yeke ngba na fini pepe.”

Matthieu 27:5

Tongaso Judas atuku nginza ni na ya ti kota da ti Nzapa si lo sigigi, lo gue. Na pekoni, lo kanga kamba na go ti lo si lo fâ tere ti lo.