2 Samuel 17:14 - Mbeti ti Nzapa - Tënë so amu fini

¹⁴ Absalom na azo ti Israel kue atene: “Wango so Hushai, zo ti mara ti Arki amu so ayeke nzoni mingi ahon wango ti Ahitofel.” Andaa *KOTA GBIA aye ti buba ya ti nzoni wango so Ahitofel amu si fade Absalom awara kpale.

2 Samuel 17:14 ပူးပေါင်းရင်းမြစ်များ

Tongo nda ti aye 32:28

Zo ni ahunda lo, atene: “Iri ti mo ayeke nyen?” Jacob akiri tënë, atene: “Iri ti mbi Jacob.”

2 Samuel 15:31

Azo ague, atene na David: “Ahitofel ayeke na popo ti azo so ala na Absalom aleke tënë na hondengo ni na tere ti gbia.” David atene: “*KOTA GBIA, mbi voro mo, sara si wango ti Ahitofel aga buba wango!”

2 Samuel 15:34

Me tongana mo kiri na ya ti gbata si mo tene na Absalom: ‘Gbia, mbi yeke zo ti kua ti mo. Lani mbi yeke zo ti kua ti babâ ti mo, me fadeso mbi ga zo ti kua ti mo awe.’ Tongaso, fade mo yeke mu maboko na mbi ti kanga lege na wango ti Ahitofel.

2 Samuel 16:23

Na ngoi ni so, wango so Ahitofel amu na azo, ala yeke ma ni tongana tënë ti Nzapa. Tongaso laa, ataa David, ataa Absalom, ala yeke sara ye alingbi gi na awango ti lo kue.

2 Mbai 10:15

Tongaso, gbia ama tënë ti azo ni pepe. Nzapa asara ye ni tongaso titene ye ni asi alingbi na tënë so *KOTA GBIA atene na Yeroboam, molenge ti Nebat na lege ti wayanga-Nzapa Ahia, zo ti kodro ti Silo.

2 Mbai 10:8

Me Roboam abaa wango so akangba ni amu na lo so tongana mbumbuse ye. Lo gue, lo hunda wango na amaseka so lo na ala akono legeoko si ala yeke sara kua na gbe ti lo.

2 Mbai 25:16

So wayanga-Nzapa ni angba ti tene tënë, Amasia afâ tënë na yanga ti lo si lo tene: “Zo wa laa azia mo wamungo-wango na gbia, zo wa? Kai tënë so! Mo ye pika?” Wayanga-Nzapa ni akai, me lo tene: “Fadeso mbi hinga, mbi tene, Nzapa aleke na be ti lo titene mo kui, ngbanga ti so mo sara ye so si mo ke ti ma wango ti mbi.”

2 Mbai 25:20

Me Amasia ama tënë ti lo so pepe. Biani, Nzapa ayeda tongaso ti zia Amasia na aturugu ti lo na maboko ti awato ti ala, ngbanga ti so ala mu peko ti anzapa ti Edom.

Néhémie 4:15

Lege so e yeke sara kua ni laa: ti londo na kota ndaperere ngbii asi na bi, ndambo ti azo na popo ti e agbu likongo na maboko ti ala.

Mbeti ti Job 12:17

Lo yeke sara si azo ti mungo wango ti kodro atambula gere senge; lo yeke bi tomboka na li ti awafango-ngbanga.

Abia (Psaumes) 9:15

Tongaso, fade mbi yeke ngba ti gonda mo, mbi yeke gonda mo na ndo so azo ti Sion ayeke bongbi tere daa; mbi yeke ngba ti dodo na ngia ndali ti so mo soo mbi awe.

Abia (Psaumes) 9:16

Azo ti mara nde ati na ya ti du so ala wani azi; kuku so ala leke na hondengo ni, kuku ni akiri agbu gere ti ala wani.

Sigingo 9:16

Me mbi zia mo, mo ngba na fini titene mbi fa ngangu ti mbi na mo, titene na lege ti mo, azo agonda iri ti mbi na ndö ti sese kue.

Amato 19:21

Apialo asi singo na ya ti be ti zo; me ye so KOTA GBIA aleke na be ti lo ti sara, ni laa ayeke si.

Amato 21:30

Ataa ndara ti zo, ataa hingango ye ti zo, ataa gbungo-li ti zo, aye so kue ayeke ye oko pepe na le ti KOTA GBIA.

Ésaïe 8:10

Ala leke apialo ma, fade ayeke li ngu. Ala tene tënë mingi mingi ma, fade a yeke sara ye oko pepe, ngbanga ti so Nzapa ayeke na e.

Abia ti demango tere 3:37

Zo wa laa atene gi tënë si mbeni ye abaa gigi, zo wa? KOTA GBIA laa ayeke mu yanga pepe?

Amos 9:3

Tongana ala gue, ahonde tere ti ala na li ti hoto ti Karmel, mbi yeke gue ti gi ala si mbi yeke gboto ala kâ. Tongana ala linda na gbe ti kota ngu-ingo titene le ti mbi abaa ala pepe, mbi yeke tokua sioni ngbo ti gue ti te ala kâ.

Nzoni Tënë so Luc asu na mbeti 16:8

Kota zo ni agonda ndombe ti nzi so, ngbanga ti so lo sara ye ti lo na kode. Taa-tënë, azo ti dunia so ayeke sara ye na kode na amba ti ala, ahon azo ti Nzapa so ayeke na ya ti lumiere.”

1 Korente 3:19

Biani, ndara ti azo ti dunia so ayeke ye ti buba na le ti Nzapa. A su na ya ti Mbeti ti Nzapa, atene: “Lo yeke gbu azo ti ndara na lege ti mayere ti ala wani.”

Ndia ti fani use ni 2:30

Me Sihon, gbia ti Heshebon, ake titene e hon na ndo ti lo. Andaa KOTA GBIA Nzapa ti ala, azo ti Israel asara lani si li ti lo akpengba si be ti lo akpengba, tongaso si lo lingbi ti zia lo na maboko ti ala; nilaa ye ni asi lani tongaso.

Josué 11:20

Biani, KOTA GBIA asara titene be ti azo ti kodro ni akpengba si ala ngba gi ti tiri bira na azo ti Israel. Tongaso si azo ti Israel abaa mawa ti ala pepe, ala fâ azo ni kue, ahunzi ala tongana ti so *KOTA GBIA amu yanga na Moïse.