2 Samuel 17:12 - Mbeti ti Nzapa - Tënë so amu fini

¹² Ndo so kue David ayeke daa, e yeke wara lo, e yeke ti na ndö ti lo tongana ti so ngu ti pere ayeke ti na ndö ti sese. Zo oko ayeke ngba na fini pepe, ataa lo, ataa aturugu ti lo.

2 Samuel 17:12 ပူးပေါင်းရင်းမြစ်များ

1 Agbia 20:10

Ben-Hadad akiri atokua azo na Akab ti tene na lo: “Fade mbi yeke nika gbata ti Samarii biani biani! Mbeni kete fuku ti sese ayeke ngba na ya ti gbata ni pepe titene aturugu ti mbi kue afu ni na ya ti maboko ti ala! Tongana mbi nika gbata ni pepe, ayeke nzoni anzapa asara ye ti ngangu mingi na mbi!”

2 Agbia 18:23

Fadeso mo na gbia ti mbi, gbia ti Asirii atö, e baa: fade mbi yeke mu na mo ambarata saki use tongana mo lingbi ti wara azo ti kpengo na ala!

2 Agbia 19:24

Mbi zi adu ti ngu si mbi nyon ngu ti kodro wande. Mbi yeke do angu ti Ezipte kue na gbe ti gere ti mbi si ahole.’

Abia (Psaumes) 110:3

Na lango so mo bongbi aturugu ti mo ti gue na bira, azo ti mo, na be ti ala wani, amu peko ti mo. Na ndö ti ahoto so ayeke nde si ayeke nzoni kue, amaseka ayeke ga na mbage ti mo; ala kpa ngu ti pere ti kota ndaperere.

Abdias 1:3

Baba ti mo so mo yeke sara mingi so ahanda ala awe! Mo yeke lango na popo ti akota têne, mo sara ndo ti lango ti mo na ndo so ayeke na nduzu si mo yeke tene na be ti mo, mo tene: ‘Zo wa laa alingbi ti mu mbi ti bi mbi na sese, zo wa?’

Mishe 5:7

Azo ti Israel so ayeke ngba na fini na popo ti amara gbani gbani, ayeke ga tongana bamara na popo ti anyama ti ngonda, tongana kete bamara na popo ti ataba. Na hongo ti lo na popo ti ala, lo yeke do ala na gere ti lo si lo yeke suru ya ti ala; zo oko alingbi ti zi ala na maboko ti lo pepe.

1 Samuel 23:23

Ando so kue lo honde tere ti lo daa, ala baa ni nzoni. Na pekoni, ala kiri aga afa na mbi ndo ni mbirimbiri si fade mbi na ala e gue. Tongana lo yeke na ya ti kodro ni, fade mbi yeke gi lo na ya ti kodro ni, mbi yeke gi lo na sese ti azo ti akete mara ti Juda oko oko kue ngbii mbi wara lo.”