2 Samuel 17:11 - Mbeti ti Nzapa - Tënë so amu fini

¹¹ Ti mbi, wango so mbi ye ti mu ayeke so: ayeke nzoni mo bongbi aturugu kue ti Israel na tere ti mo, ti londo na Dan ngbii asi na Bersheba. Alingbi wungo ti ala aduti tongana wungo ti mbutu ti yanga ti kota ngu-ingo. Na pekoni, mo wani, mo duti na li ti ala ti gue na bira ni.

2 Samuel 17:11 ပူးပေါင်းရင်းမြစ်များ

Tongo nda ti aye 13:16

Mbi yeke sara titene ahale ti mo aga mingi tongana fuku ti sese; tongaso, zo so alingbi ti diko fuku ti sese, fade lo lingbi ti diko ahale ti mo.

Tongo nda ti aye 21:14

Na ndaperere so ndo angba kâ, Abraham alondo, lo mu mapa na bozo ti poro so ngu ayeke na ya ni, lo mu na Agar; lo zia ni na ndö ti go ti lo. Lo mu molenge ni na lo si lo tene na lo atene, lo gue. Agar ague si lo yeke tambula kirikiri na ya ti benyama ti Bersheba.

Tongo nda ti aye 22:17

fade mbi yeke sara tufa na ndö ti mo gbani gbani. Mbi yeke sara titene *ahale ti mo awu mingi tongana atongoro ti le ti nduzu, nga tongana mbutu ti yanga ti kota ngu-ingo. Fade ahale ti mo ayeke mu akodro ti awato ti ala.

2 Samuel 12:28

Fadeso, ayeke nzoni mo bongbi tanga ti aturugu kue, mo ga, mo ngoro gbata ti Raba ni, mo mu ni na bira. Tongaso pepe, tongana mbi mu ni, azo ayeke gonda iri ti mbi ndali ni.”

2 Samuel 24:2

Gbia atene na Yoab, makonzi ti aturugu so ayeke na tere ti lo, atene: “Mo tambula na popo ti amara kue ti Israel, ti londo na Dan ngbii asi na Bersheba. Ala diko wungo ti azo ni si mbi lingbi ti hinga wungo ti ala.”

2 Samuel 3:10

KOTA GBIA adeba yanga ti lo atene, fade lo yeke zi kua ti gbia na maboko ti azo ti sewa ti Saul si lo yeke zia David titene lo duti gbia na ndö ti Israel nga na ndö ti Juda, ti londo na Dan ngbii asi na Bersheba.”

1 Agbia 20:10

Ben-Hadad akiri atokua azo na Akab ti tene na lo: “Fade mbi yeke nika gbata ti Samarii biani biani! Mbeni kete fuku ti sese ayeke ngba na ya ti gbata ni pepe titene aturugu ti mbi kue afu ni na ya ti maboko ti ala! Tongana mbi nika gbata ni pepe, ayeke nzoni anzapa asara ye ti ngangu mingi na mbi!”

1 Agbia 4:20

Azo ti kodro-gbia ti Juda na ti Israel awu mingi, tongana mbutu ti yanga ti kota ngu-ingo. Azo ni ayeke te, ala yeke nyon si ala yeke duti na ngia.

Abia (Psaumes) 9:16

Azo ti mara nde ati na ya ti du so ala wani azi; kuku so ala leke na hondengo ni, kuku ni akiri agbu gere ti ala wani.

Josué 11:4

Agbia so kue alondo, ala na aturugu ti ala kue, ala mu lege ti gue. Ala wu mingi tongana mbutu ti yanga ti kota ngu-ingo. Ala yeke na ambarata nga na apusu ti mbarata gbani gbani.

Awafango-ngbanga 20:1

Azo ti Israel kue abongbi tere tongana zo oko na dawa ti *KOTA GBIA na sese ti Mispa. Ala londo na sese ti Dan ngbii ala si na Bersheba nga na Galaad.

1 Samuel 13:5

Azo ti Filistii abongbi nga ti tiri bira na azo ti Israel. Ala yeke na apusu ti mbarata saki baleota, azo ti kpengo na ambarata saki omene nga na gba ti aturugu so wungo ti ala ayeke tongana wungo ti mbutu ti yanga ti ngu. Azo ni ague, asara bâbâ ti ala na Mikmas na tere ti Bet-Aven na mbage ti To.

1 Samuel 3:20

Nilaa, ti londo na sese ti Dan ngbii asi na kodro ti Bersheba, azo ti Israel kue ahinga atene, Samuel aga fadeso wayanga-Nzapa awe.