2 Samuel 17:10 - Mbeti ti Nzapa - Tënë so amu fini

¹⁰ Tongaso, ataa turugu so ayeke na ngangu mingi si be ti lo akpengba tongana ti bamara, tongana lo ma tënë so, be ti lo ayeke fun kue, ngbanga ti so azo ti Israel kue ahinga atene, babâ ti mo ayeke mbeni kpengba turugu si aturugu so amu peko ti lo ayeke angangu zo ti bira.

2 Samuel 17:10 ပူးပေါင်းရင်းမြစ်များ

Tongo nda ti aye 49:9

Juda, molenge ti mbi, mo yeke tongana mbeni kete bamara so afâ nyama si akiri na ni na ndo ti lango ti lo. Lo kuku, lo lango na sese, lo kpa koli-bamara wala wali-bamara. Zo wa laa alingbi ti ndu lo titene lo londo?

2 Samuel 1:23

Na lango ti fini Saul na Jonatan kue, azo so aye ala mingi. Ataa so ala kui, kuâ akangbi ala pepe. Ala yapu lani mingi ahon *angoalo, ngangu ti ala ahon ngangu ti abamara.

2 Samuel 17:9

Fadeso, lo honde tere ti lo na ya ti mbeni du ti têne wala na mbeni ndo. Tongana a fâ azo na mbage ti e kozo, fade tënë ni ayeke mu ndo kue si azo ayeke tene: ‘A fâ azo mingi so amu peko ti Absalom.’

2 Samuel 23:20

Benaya, molenge ti Yoyada ayeke mbeni kpengba turugu; lo yeke zo ti kodro ti Kabseel, lo sara akota ye mingi. Lo laa lo fâ azo ti mara ti Moab use so iri ti ala Ariel; lo laa na ngoi ti *neze, lo zu na ya ti du ti ngu si lo fâ mbeni bamara.

Abia (Psaumes) 89:19

KOTA GBIA, zo ti batango e alondo na mo, gbia ti e alondo na Nzapa ti Israel, lo so lo yeke nde si lo yeke nzoni kue.

Sigingo 15:15

Be ti amakonzi ti Edom afun kue. Tere ti akota zo ti Moab ado na mbeto, be ti azo ti Kanaan kue awoko awe.

Amato 28:1

Zo ti sioni ayeke kpe, ataa zo oko atumba peko ti lo pepe; me zo ti mbirimbiri ayeke tongana bamara so ayeke na mbeto oko pepe.

B. ti abia 3:7

Baa tipoi ti Salomon laa; angangu turugu baleomene angoro ni kue, angangu turugu ti Israel.

Ésaïe 13:7

Ndani laa amaboko kue awoko, be ti zo oko oko afun kue.

Ésaïe 19:1

Nengo tënë na ndö ti Ezipte. Baa KOTA GBIA ayeke tambula na ndö ti mbinda so ayeke hon hio hio, lo yeke ga na Ezipte. Ayanda ti Ezipte ayeke do na mbeto na dawa ti lo; be ti azo ti Ezipte afun kue.

Ezekiel 21:15

A kpaka yanga ni ti fâ na azo kue, yanga ni aza ti bi wâ ti bekpa. Tongaso, fade tere ti e ayeke nzere? Keke ti komandema ti molenge ti mbi abaa akeke kue tongana mbumbuse ye.

Ndia ti fani use ni 1:28

E yeke gue ti gi nyen kâ? A-ita ti e asara si be ti e afun kue, ngbanga ti so ala tene: ‘Azo ti sese ni ayeke ngangu ahon e, ala yeke ayongoro zo mingi ahon e. Agbata ti ala akono mingi, angangu gbagba ayeke na tere ni si ayo akpo le ti nduzu.’ Ala baa nga azo ti mara ti Anak kâ!”

Ahebro 11:34

ala mingo angangu wâ, ala kpe na maboko ti azo so aye ti fâ ala na yongoro zeme, ala kiri awara ngangu na peko ti kobela so asara ala; ala ga akpengba zo ti sarango bira, ala tumba aturugu ti akodro wande.

1 Samuel 16:18

Mbeni zo ti kua oko akiri tënë, atene: “Mbi baa mbeni molenge ti Yese so ayeke lango na Betlehem. Molenge ni ayeke pika mozoko nzoni, lo yeke mbeni kpengba molenge, lo yeke mbeni ngangu turugu; lo yeke tene tënë na ndara; lo yeke mbeni pendere koli, KOTA GBIA ayeke na lo.”

1 Samuel 18:17

Saul atene na David: “Baa, Merab, kozo molenge ti mbi ti wali laa; mbi yeke mu lo na mo titene lo ga wali ti mo. Gi ye oko, sara kua ti mbi ngangu, mo tiri bira ndali ti *KOTA GBIA.” Andaa Saul ayeke tene na be ti lo, atene: “Mbi wani laa mbi yeke fâ lo pepe; ayeke nzoni azo ti Filistii laa afâ lo.”