2 Samuel 16:9 - Mbeti ti Nzapa - Tënë so amu fini

⁹ Abishai, so iri ti lo ayeke Seruya atene na gbia: “Gbia ti mbi, kuâ ti mbo so ayeke deba mo ngbanga ti nyen? Zia mbi gue, mbi de go ti lo.”

2 Samuel 16:9 ပူးပေါင်းရင်းမြစ်များ

2 Samuel 19:21

Gbia ti mbi, mbi hinga so mbi sara siokpari awe. Me laso, mbi yeke kozo zo na popo ti azo ti Israel kue ti Banga ti ga ti wara mo.”

2 Samuel 19:22

Abishai, so iri ti mama ti lo ayeke Seruya amu tënë si lo tene: “Shimei so lani azonga gbia so *KOTA GBIA asoro lo so, tënë so lo tene so laa alingbi ti kanga lege ti fâ lo?”

2 Samuel 3:30

Yoab na ita ti lo Abishai afâ Abner, ngbanga ti so Abner afâ lani ita ti ala Asael na ya ti bira ti Gabaon.

2 Samuel 3:8

Abner asara ngonzo mingi ndali ti tënë so Ishebaal atene. Nilaa lo kiri tënë, lo tene: “Mbi yeke mbo so ayeke mu gi peko ti azo ti Juda? Mbi sara nzoni be na azo ti da ti babâ ti mo Saul, na a-ita ti lo nga na amba ti lo ngbii asi laso. Mbi sara kue titene mo ti na maboko ti David pepe si laso mo ye ti bi tënë na li ti mbi ndali ti wali so?

2 Samuel 9:8

Mefibaal akuku, akpo li ti lo na sese, lo tene: “Mbi yeke zo wa titene gbia abaa ndo na mbage ti mbi, mbi so mbi kpa kuâ ti mbo so?”

Sigingo 22:28

“Ale ti kobe ti ala na ale ti vinye ti ala, ti mbi mbage ni, ala ku kungo pepe ti ga na ni na mbi. “Fade ala zia nde ndali ti mbi kozo molenge ti ala ti koli.

Nzoni Tënë so Luc asu na mbeti 9:54

So adisiple ti lo, Jacques na Jean abaa tongaso, ala tene na lo: “*Kota Gbia, mo ye e hunda wâ ti nduzu ati na ndö ti ala si agbi ala kue?”

Awatokua 23:5

Paul akiri tënë, atene: “A-ita, mbi hinga fade pepe, mbi tene, lo yeke kota wayango-sandaga. Biani, Mbeti ti Nzapa atene: ‘Mo tene sioni tënë na tere ti makonzi ti mara ti mo pepe.’ ”

1 Pierre 2:17

Ala ne azo kue, ala ye a-ita ti ala, ala kpe mbeto ti Nzapa, ala ne kota gbia.

1 Samuel 24:14

Mbeni *mato ti akotara atene: ‘Azo ti sioni laa ayeke sara ye ti sioni.’ Me fade maboko ti mbi ayeke ndu mo pepe.