2 Samuel 16:4 - Mbeti ti Nzapa - Tënë so amu fini

⁴ Gbia atene na Siba: “Tongaso, aye ti Mefibaal kue ayeke fadeso ti mo.” Siba akuku akpo li ti lo na sese si lo tene: “Gbia ti mbi, ayeke nzoni mo sara nzoni be na mbi lakue.”

2 Samuel 16:4 ပူးပေါင်းရင်းမြစ်များ

2 Samuel 14:22

Yoab akuku akpo li ti lo na sese si lo mu singila na gbia, lo tene: “Gbia, laso mbi hinga, mbi tene, mo baa mbi na nzoni le awe, ngbanga ti so mo yeda ti sara ye alingbi na tënë so mbi tene.”

2 Samuel 14:4

Wali ti Tekoa ni ague, atene tënë na gbia. Lo kuku, lo kpo li ti lo na sese si lo tene: “Gbia, soo mbi maa!”

2 Samuel 14:8

Gbia atene na wali ni: “Kiri na da ti mo. Fade mbi yeke mu yanga ndali ti mo.”

2 Samuel 16:3

Gbia akiri ahunda lo, atene: “Mefibaal, ata ti wa ti mo ayeke na ndo wa?” Siba akiri tënë na gbia, atene: “Lo ngba na Jérusalem. Biani, lo tene: ‘Laso laa azo ti Israel ayeke zia mbata ti gbia ti ata ti lo na lo.’ ”

2 Samuel 16:5

So David asi nduru na Bahurim awe, mbeni koli asigigi, lo na Saul ayeke mara oko, iri ti lo ayeke Shimei, molenge ti Gera. Lo sigigi na ya ti kodro ni si lo yeke deba David.

2 Samuel 19:27

Mefibaal akiri tënë, atene: “Gbia ti mbi, zo ti kua ti mbi laa ahanda mbi. Mbi tene na be ti mbi, mbi tene: ‘So mbi yeke ti mbi zo ti bubango gere so, fade mbi yeke mu yanga titene a leke lele ti mbi, mbi ko na ndö ni si mbi mu peko ti gbia.’

2 Samuel 9:6

So Mefibaal, molenge ti Jonatan, tara ti Saul asi na ndo ti David awe, lo ti lo kpo li ti lo na sese na gbe ti David. David atene: “Mo Mefibaal laa?” Mefibaal akiri tënë: “Mbi zo ti kua ti mo laa.”

2 Samuel 9:9

Gbia airi Siba, zo ti kua ti Saul si atene na lo: “Mbi mu aye so kue ayeke ti wa ti mo Saul na ti asewa ti lo kue na tara ti lo Mefibaal awe.

Sigingo 23:8

Tongana mbeni zo aye ti pete goro na ala, ala yeda na ni pepe, ngbanga ti so goro ayeke vuko le ti zo, ataa zo so le ti lo azi; asara si fango ngbanga ague kirikiri.

Amato 18:13

Zo so akiri tënë hio kozo titene lo ma tënë nzoni, lo yeke fa buba ti lo na gigi si lo yeke zia kamene na le ti lo wani.

Amato 18:17

Zo so amu tënë kozo na le ti ngbanga, azo abaa atene, atënë ti lo ayeke na legeni; me tongana mbeni zo nde aga, atënë ti lo ayeke gue nde na ti kozo zo ni.

Amato 19:2

Tongana zo agbu li ti lo pepe, so ayeke nzoni pepe. Zo so ayeke sara ye na loro na loro, gbaa lo yeke sara ye ti kirikiri.

Ndia ti fani use ni 19:15

Moïse atene: Tongana mbeni zo asara sioni wala lo sara mbeni mara ti siokpari wa, tënë ti yanga ti zo oko alingbi pepe titene ala fâ ngbanga na li ti zo ni. Alingbi azo use wala ota abaa zo ni na sarango ye ni si tënë ni aduti taa-tënë.