2 Samuel 16:3 - Mbeti ti Nzapa - Tënë so amu fini

³ Gbia akiri ahunda lo, atene: “Mefibaal, ata ti wa ti mo ayeke na ndo wa?” Siba akiri tënë na gbia, atene: “Lo ngba na Jérusalem. Biani, lo tene: ‘Laso laa azo ti Israel ayeke zia mbata ti gbia ti ata ti lo na lo.’ ”

2 Samuel 16:3 ပူးပေါင်းရင်းမြစ်များ

2 Samuel 16:4

Gbia atene na Siba: “Tongaso, aye ti Mefibaal kue ayeke fadeso ti mo.” Siba akuku akpo li ti lo na sese si lo tene: “Gbia ti mbi, ayeke nzoni mo sara nzoni be na mbi lakue.”

Abia (Psaumes) 101:5

Zo ti tenengo mvene na iri ti amba ti lo na hondengo ni, fade mbi yeke kanga yanga ti lo. Zo so abaa amba ti lo tongana mbumbuse ye si baba ahon ndö ti lo, mbi lingbi ti kanga be ti mbi na lo pepe.

Abia (Psaumes) 15:3

Lo yeke du mvene na li ti zo pepe, lo yeke sara mbana na zo pepe, lo yeke zonga nga mba ti lo pepe.

Abia (Psaumes) 88:18

Lakue, aye ni so angoro mbi tongana ti so ngu ayeke ngoro zo; mbage na mbage kue, ala kanga ndö ti mbi.

Sigingo 20:16

“Alingbi mo tene mvene na li ti mba ti mo pepe na le ti ngbanga.

Amato 1:19

Biani, azo so ayeke wara ye na lege ti nzi, baa ye so ayeke ku ala laa: a yeke zi fini ti ala.

Amato 21:28

Zo so atene mvene na le ti ngbanga, fade lo yeke kui; me zo so ahinga ti ma tënë, fade azo ayeke mu tënë na lo lakue.

Mishe 7:5

Ala azo, azo so ayeke nduru na ala, ala yeda na tënë ti ala pepe; azo so ala ye ala mingi so, ala zia be ti ala na ndö ti ala pepe. Ataa na awali ti ala wani, ala bata yanga ti ala.

Jude 1:11

Mawa na azo ni so! Ala mu peko ti Kain. Ndali ti nginza, ala girisa lege tongana Balaam; ala kui, ngbanga ti so ala sara ngangu li tongana azo ti Kore.