2 Samuel 16:22 - Mbeti ti Nzapa - Tënë so amu fini

²² Azo asara mbeni da ti bongo na li ti da ti yangbo ndali ti Absalom. Kâ, Absalom alango na awali ti babâ ti lo, na le ti azo ti Israel kue.

2 Samuel 16:22 ပူးပေါင်းရင်းမြစ်များ

Tongo nda ti aye 35:22

Na ndembe so Israel ayeke duti na sese so, Ruben ague, alango na Bila, mbeni wali ti babâ ti lo. Israel ama tënë ni. Amolenge ti Jacob ti koli kue ayeke baleoko na use.

2 Samuel 11:2

Mbeni lâ, na lakui, David alondo na ndö ti gbogbo ti lo, lo yeke fono na mbeni ndo so a leke na li ti da ti lo si azo ayeke duti daa. Kâ, lo baa mbeni wali so ayeke sukula ngu; wali ni apendere mingi.

2 Samuel 15:16

Tongaso, gbia na asongo ti lo kue asigigi na yangbo ti gbia na gere si ala hon. Gbia azia gi ambeni wali ti lo baleoko ti bata yangbo ni.

2 Samuel 20:3

So gbia David asi na yangbo ti lo na Jérusalem awe, lo mu ambeni wali ti lo baleoko so lani lo zia ala ti bata yangbo so, lo zia ala na ya ti mbeni da so azo ayeke bata ni nzoni. Lo yeke mu na ala aye so kue alingbi na ala, me lo na ala aduti koli na wali pepe. A kanga ala na ya ti da ni ngbii asi na lango so ala kui na ni. Ala yeke tongana awali-mua, ataa so koli ti ala angba na fini.

Ésaïe 3:9

Ala yeke mu mbage ti ambeni zo, so laa ayeke bi tënë na li ti ala; ala yeke sara asiokpari gi polele tongana ti azo ti Sodome, ala yeke sara ni na hondengo ni pepe. So mawa na ala! Ala wani ayeke leke ye ti mawa ndali ti ala.

Jérémie 3:3

Ndani laa le ti nduzu akanga si ngu-Nzapa ti ndani apika pepe. Me le ti mo angba ti za tongana ti wali-ndumba; kamene asara nga mo kete pepe.

Jérémie 8:12

Kamene alingbi fade ti gbu le ti ala ndali ti asioni ye so ala yeke sara si zo alingbi ti baa na le ti lo fani use pepe; me kamene agbu le ti ala oko pepe. Ala hinga atene, so sioni ye laa ala yeke sara so pepe. Ndani laa KOTA GBIA atene: Ala yeke ti legeoko na tanga ti azo so ayeke ti. Na ndembe so mbi yeke ga na tere ti azo ni, ala nga, ala yeke ti.”

Ezekiel 24:7

Biani, mene so Jérusalem atuku angba taa na ya ti gbata ni. Lo tuku ni na ndö ti têne so ndö ni ayeke senge; lo tuku ni na ndö ti sese pepe, wala lo tuku fuku ti sese na ndö ni pepe.

Wungo ti azo 25:6

Na ndembe ni so, mbeni zo ti Israel amu mbeni wali ti mara ti Madian, lo ga na lo na popo ti azo ti Israel, taa na le ti Moïse nga na le ti bongbi ti azo ti Israel kue. Andaa azo ti Israel abongbi na yanga ti da ti bongo so KOTA GBIA na azo ti lo ayeke wara tere daa si ala yeke toto.

Filipe 3:19

Lege ti kuâ laa ala yeke gue daa so. Nzapa ti ala ayeke gi ya ti ala, ye so ayeke zia kamene na le ti azo ni so, ala yeke wara ti ala gonda daa. Ala zia be ti ala kue gi na ndö ti aye ti dunia so.