2 Samuel 16:20 - Mbeti ti Nzapa - Tënë so amu fini

²⁰ Absalom atene na Ahitofel: “Ala gbu li ti ala na ndö ti ye so e lingbi ti sara.”

2 Samuel 16:20 ပူးပေါင်းရင်းမြစ်များ

2 Samuel 15:12

Na ndembe so Absalom ayeke mu asandaga, lo tokua azo na gbata ti Gilo ti iri Ahitofel, wamungo-wango ti David. Azo so amu peko ti Absalom, wungo ti ala ayeke gue guengo na nduzu, asara si lekengo tënë na hondengo ni na tere ti gbia aga ngangu mingi.

2 Samuel 16:19

Na mbage nga, zo wa laa mbi yeke sara kua na lo, zo wa? Mo laa mo yeke molenge ti mba ti mbi pepe? Kua so lani mbi sara na babâ ti mo, gi ni laa mbi yeke sara ande na mo.”

2 Samuel 16:21

Ahitofel akiri tënë na Absalom: “Ambeni wali so babâ ti mo azia ala ti bata yangbo so, ayeke nzoni mo gue, mo lango na ala. Tongaso si azo ti Israel ahinga atene, mo ga sioni na le ti babâ ti mo awe si be ti azo so amu peko ti mo so akpengba.”

Abia (Psaumes) 2:2

Agbia ti sese alondo ti tiri bira; amakonzi ti akodro ama tere ti ke *KOTA GBIA, lo na zo ti lo so lo zia lo gbia so.

Sigingo 1:10

Alingbi e gi mbeni nzoni kode ti sara si ala kiri awu mingi pepe. Tongaso pepe, tongana mbeni bira alondo, fade ala yeke bongbi na awato ti e ti tiri na e si ala yeke sigigi na kodro ti e ti hon.”

Amato 21:30

Ataa ndara ti zo, ataa hingango ye ti zo, ataa gbungo-li ti zo, aye so kue ayeke ye oko pepe na le ti KOTA GBIA.

Ésaïe 29:15

So mawa na azo so ayeke sara ye na gbe mingo si ala yeke honde apialo ti ala na *KOTA GBIA so! Ala yeke sara aye ti ala na ya ti vukongo ndo, ala yeke tene: “Zo wa laa abaa e, zo wa? Zo wa laa ahinga ye so e sara, zo wa?”

Ésaïe 8:10

Ala leke apialo ma, fade ayeke li ngu. Ala tene tënë mingi mingi ma, fade a yeke sara ye oko pepe, ngbanga ti so Nzapa ayeke na e.

Matthieu 27:1

Na ndaperere, akota wayango-sandaga kue na *akangba ti azuife abongbi ti fâ ngbanga ti kuâ na li ti Jésus.