2 Samuel 16:16 - Mbeti ti Nzapa - Tënë so amu fini

¹⁶ So Hushai, zo ti mara ti Arki, wamungo-wango ti David aga nduru na tere ti Absalom awe, lo tene na Absalom: “Gbia na nduzu! Gbia na nduzu!”

2 Samuel 16:16 ပူးပေါင်းရင်းမြစ်များ

2 Samuel 15:32

So David asi na li ti hoto ni awe, na ndo so azo ayeke voro Nzapa daa, Hushai, zo ti mara ti Arki ayeke ga na mbage ti lo. Lo suru bongo na tere ti lo, ya ti li ti lo kue gi na sese.

2 Samuel 15:34

Me tongana mo kiri na ya ti gbata si mo tene na Absalom: ‘Gbia, mbi yeke zo ti kua ti mo. Lani mbi yeke zo ti kua ti babâ ti mo, me fadeso mbi ga zo ti kua ti mo awe.’ Tongaso, fade mo yeke mu maboko na mbi ti kanga lege na wango ti Ahitofel.

2 Samuel 15:37

Hushai, wamungo-wango ti David akiri na Jérusalem gi na oko ngoi so Absalom ayeke si na Jérusalem.

1 Agbia 1:25

Biani, laso, lo gue, lo sara kota matanga, lo fâ akoli-bagara, abagara ti mafuta nga na gba ti ataba na angasa ti mu na sandaga. Lo tisa amolenge ti mo ti koli kue, amakonzi ti aturugu nga na wayango-sandaga Abiatar ti ga daa. Ala yeke te, ala yeke nyon na dawa ti lo si ala yeke tene: ‘E mu gbia Adonia na nduzu!’

1 Agbia 1:34

Kâ, fade wayango-sandaga Sadok na wayanga-Nzapa Natan ayeke tuku mafuta na li ti lo ti zia lo gbia na ndö ti azo ti Israel. Ti ala, ala yeke huru tatalita si ala dekongo, atene: ‘E mu gbia Salomon na nduzu!’

1 Agbia 4:5

Azaria, molenge ti Natan ayeke makonzi ti agovoronere; Zabud, molenge ti Natan ayeke wayango-sandaga si lo yeke wamungo-wango na gbia;

2 Agbia 11:12

Tongaso Yoyada amu molenge ti gbia asigigi na lo. Lo zia kpoto ti gbia na li ti molenge ni si lo mu na lo mbeti ti mbuki. A tuku mafuta na li ti lo titene a zia lo gbia. Azo ni apika maboko si ala dekongo, atene: “Gbia na nduzu!”

Daniel 2:4

Ala kiri tënë na lo na yanga ti *arameen, atene: “Gbia na nduzu! Mo fa na e, azo ti kua ti mo, bango-li ni si e fa nda ni na mo.”

Daniel 5:10

Mama ti gbia ama tënë ti ye so gbia na akota zo ti lo atene si lo li na ndo so ala yeke sara matanga ni daa. Lo mu tënë si lo tene: “Gbia na nduzu! Ayeke nzoni be ti mo agi mo pepe, le ti mo aga nga nde pepe!

Daniel 6:21

So lo yeke ga nduru na du ni, na vundu na be ti lo, lo dekongo ti iri Daniel, lo tene: “Daniel, zo ti kua ti Nzapa so ayeke na fini! Nzapa ti mo so mo ngba ti sara na lo lakue so azi mo na yanga ti abamara ni awe?”

Daniel 6:6

Tongaso azo so atene na popo ti ala, atene: “E yeke wara ande sioni oko ti Daniel pepe si fade e bi tënë na li ti lo ndali ni. E hinga pepe, fade e yeke wara ni na lege ti ndia ti Nzapa ti lo.”

Matthieu 21:9

Azo so ayeke tambula na dawa ti Jésus na ala so ayeke tambula na peko ti lo ayeke dekongo, atene: “E gonda Molenge ti David! Ayeke nzoni Nzapa asara tufa na ndö ti lo so aga na iri ti Kota Gbia! E gonda Nzapa so ayeke na yayu kâ na ndö ti aye kue!”

1 Samuel 10:24

Samuel atene na azo ni: “Ala baa, zo so KOTA GBIA asoro lo so laa! Na popo ti azo kue, mbeni zo ti lingbi na lo ayeke daa pepe.” Azo kue adekongo na ngia, atene: “E mu gbia na nduzu!”