2 Samuel 16:12 - Mbeti ti Nzapa - Tënë so amu fini

¹² E hinga pepe, fade KOTA GBIA ayeke baa mawa ti mbi. E hinga pepe, lo yeke sanze dengo ba ti laso titene aga nzoni ye ndali ti mbi.”

2 Samuel 16:12 ပူးပေါင်းရင်းမြစ်များ

2 Samuel 16:13

David na aturugu ti lo ayeke hon ti ala hongo. Me Shimei ayeke hon na tere ti hoto ni, lo yo na David na aturugu ti lo pepe. Lo ngba ti deba David, lo yeke bi atêne na mbage ti lo, lo yeke tuku fuku ti sese na le ti nduzu.

2 Agbia 19:4

Gbia ti Asirii atokua makonzi ti aturugu ti lo ti zonga Nzapa so ayeke na fini. E hinga pepe, wala KOTA GBIA, Nzapa ti mo ama tënë ti zonga ni kue si lo pika lo ndali ti asioni tënë so lo tene so! Ti mo Ésaïe, sambela Nzapa ndali ti tanga ti azo so angba na fini so.’ ”

Abia (Psaumes) 10:14

KOTA GBIA, mo baa ye kue: mo yeke baa azo so ayeke baa pasi na azo ti mawa; mo ye ti mu tënë ti ala na maboko ti mo. Zo so ayeke na ngangu pepe, lo zia be ti lo kue na ndö ti mo; mo laa mo yeke mu maboko na nyindu.

Abia (Psaumes) 109:28

Ti azo ni, ala yeke deba mbi, me mo, mo yeke sara tufa na ndö ti mbi. Tongana ala londo ti tiri na mbi, fade kamene ayeke sara ala, me mbi, zo ti kua ti mo, mbi yeke duti na ngia.

Abia (Psaumes) 132:1

A yeke he bia so na ndembe ti guengo ni na Jérusalem. *KOTA GBIA, dabe ti mo na David, dabe ti mo na pasi so kue lo baa.

Abia (Psaumes) 25:18

Baa mawa ti mbi na pasi ti mbi; zi siokpari ti mbi kue na li ti mbi.

Amato 25:22

Tongana mo sara tongaso, ye ni ayeke tongana ale ti wâ laa mo zia na li ti lo, tongaso fade KOTA GBIA ayeke kiri peko ni na mo.

Amato 26:2

Tongana ti so kete ndeke ayeke huru ti gue na ando nde nde si lo yeke duti na sese pepe, tongana ti so hirondele ayeke huru na le ti nduzu, dengo ba na zo senge senge ayeke sara ye oko pepe.

Ésaïe 27:7

Azo so lani apika azo ti *KOTA GBIA so, lo pika azo ti lo ni tongana ala? Azo so lani afâ azo ti KOTA GBIA so, lo fâ azo ti lo ni tongana ala?

Joël 2:14

E hinga pepe, fade lo yeke zia lege ti sara ye so lo leke na be ti lo ti sara. Fade lo yeke sara tufa na ndö ti ala si ala lingbi ti mu *sandaga ti *ble na ti samba na KOTA GBIA, Nzapa ti ala.

Rome 8:28

E hinga so, ye kue abongbi ti sara nzoni na azo so aye Nzapa, azo so lo iri ala na lege so be ti lo aye.

2 Korente 4:17

Pasi so e yeke baa fadeso ayeke gi ndali ti kete ngoi. Pasi ni ayeke leke e ndali ti kota gonda so ayeke ngba lakue lakue si ayeke kota ahon ndoni.

Ndia ti fani use ni 23:5

Biani, na ndembe so ala, azo ti Israel, ala sigigi na sese ti Ezipte, azo ni so amu kobe na ngu ti ga ti yamba na ala na lege pepe; me ala mu nginza na Balaam, molenge ti Beor si lo londo na Petor, na sese ti Mezopotamii ti nduzu, lo ga ti deba ala.

Ndia ti fani use ni 23:6

Me KOTA GBIA Nzapa ti ala ake ti ma Balaam. KOTA GBIA Nzapa ti ala asara si tënë ti dengo ba ni akiri aga tënë ti tufa na ndö ti ala, azo ti Israel, ngbanga ti so KOTA GBIA aye ala.

2 Tesalonike 1:7

Ala so ayeke baa pasi, fade lo yeke mu na ala lege ti wungo tere, e na ala kue. Lo yeke sara ye ni tongaso na ndembe so Kota Gbia Jésus ayeke londo na yayu ti si, lo na angangu *ange ti lo;

Ahebro 12:10

Ti ababâ ti e ti sese so, ala yeke pika ka e tongana ti so ala baa nzoni na le ti ala; pikango e ni ayeke gi ndali ti kete ngoi. Me ti Nzapa, lo yeke pika e ndali ti nzoni ti e, ti mu na e lege ti duti nde si e ga nzoni kue tongana lo.

1 Samuel 1:11

Lo mu zendo, lo tene: “KOTA GBIA, mo so mo yeke na ndö ti dunia kue, baa mawa ti mbi, zo ti gbe ti mo. Dabe ti mo na mbi, mo girisa mbi pepe. Mu na mbi molenge-koli, fade mbi kiri mbi mu lo na mo, KOTA GBIA titene lo sara kua na mo na lango ti fini ti lo kue. Fade a yeke kio kua ti li ti lo oko pepe.”