2 Samuel 16:10 - Mbeti ti Nzapa - Tënë so amu fini

¹⁰ Me gbia atene: “Abishai, mo na ita ti mo Yoab, ti ala na mbi nyen? Tongana lo deba mbi, e hinga pepe, KOTA GBIA laa amu yanga na lo ti deba mbi. Zo wa laa alingbi ti tene na lo, atene: ‘Mo sara tongaso ngbanga ti nyen?’ ”

2 Samuel 16:10 ပူးပေါင်းရင်းမြစ်များ

Tongo nda ti aye 50:20

Ti ala, ala leke na be ti ala ti sara sioni na mbi. Me Nzapa aleke na be ti lo ti sara si sioni ni so aga nzoni ye. Lo sara ni titene lo soo azo mingi na kuâ; ni laa asi laso so.

2 Samuel 19:22

Abishai, so iri ti mama ti lo ayeke Seruya amu tënë si lo tene: “Shimei so lani azonga gbia so *KOTA GBIA asoro lo so, tënë so lo tene so laa alingbi ti kanga lege ti fâ lo?”

2 Samuel 19:23

Me David atene: “Ala amolenge ti Seruya, ala yoro yanga ti ala na ya ti tënë ti mbi ngbanga ti nyen? Ngbanga ti nyen si laso ala ga awato ti mbi? Laso mbi hinga biani mbi tene, mbi yeke gbia ti Israel. Ndani laa, mbi ye pepe titene a fâ zo laso na sese ti Israel.”

2 Samuel 3:39

A tuku mafuta na li ti mbi titene mbi ga gbia awe; me fadeso, ade mbi wara ngangu mingi pepe si akoli so iri ti mama ti ala ayeke Seruya ayeke azo ti sarango ngangu mingi ahon mbi. Ayeke nzoni KOTA GBIA akiri sioni na zo ti sioni alingbi na sioni ti lo.”

1 Agbia 17:18

Mama ti molenge ni atene na Élie: “Zo ti Nzapa, ti mo na mbi nyen? Mo ga na da ti mbi ti kiri ti fa na Nzapa peko ti asioni ye so mbi sara? Mo ga nga ti sara titene molenge ti mbi akui?”

1 Agbia 2:5

David akiri atene na Salomon: “Sioni so kue Yoab, so iri ti mama ti lo ayeke Seruya, asara na mbi, mo hinga ni kue. Lo laa lo fâ amakonzi use ti aturugu ti Israel, Abner, molenge ti Ner na Amasa, molenge ti Yeter. Na fango azo ni, Yoab atuku mene ti azo na ngoi so kodro ayeke na siriri. Tongaso abongo ti lo kue gi na mene si tënë ni ayeke na li ti lo wani.

2 Agbia 18:25

KOTA GBIA biani laa ayeda titene gbia ti mbi ague ti tiri bira na ndo so a buba ni! KOTA GBIA laa atene na lo: Mo gue, mo tiri bira na kodro so, mo buba ni kue!’ ”

Mbeti ti Job 9:12

Tongana lo gbu ye na ngangu, zo wa laa alingbi ti tene na lo: “Kiri na ni”, zo wa? Zo wa laa alingbi ti tene na lo: “Nyen laa mo sara so”?

Abia (Psaumes) 39:9

Zi mbi na ya ti asiokpari ti mbi kue; mo zia lege pepe na abuba zo ti zonga mbi.

Zo ti bongbingo azo 8:4

Biani, tënë ti gbia ayeke na ngangu; zo wa laa alingbi ti tene na lo: “Nyen laa mo yeke sara so?”

Abia ti demango tere 3:37

Zo wa laa atene gi tënë si mbeni ye abaa gigi, zo wa? KOTA GBIA laa ayeke mu yanga pepe?

Matthieu 16:23

Me Jésus abaa ndo na peko si lo tene na Pierre: “Satan, hon kâ na tere ti mbi! Mo yeke gi ti kinda mbi, ngbanga ti so bango ndo ti mo ayeke tongana ti Nzapa pepe, me ayeke tongana ti zo.”

Matthieu 8:29

Ala dekongo, atene: “Mo, Molenge ti Nzapa! Ti mo na e nyen? Mo ga ti sara pasi na e kozoni si lango ni asi?”

Jean 18:11

Me Jésus atene na Pierre: “Kiri na yongoro zeme ti mo na ya ti bozo ni. Kopo ti pasi so Babâ amu na mbi so, mo baa ti mo, mo tene, mbi yeke nyon ni ande pepe?”

Rome 9:20

Mo zo, mo yeke ti mo zo wa ti kiri tënë na Nzapa? Ta ti sese so zo asara na maboko ti lo alingbi ti hunda zo so asara lo, atene: “Ngbanga ti nyen si mo leke mbi tongaso?”

1 Pierre 2:23

Azo azonga lo, me lo kiri na zonga ni pepe; azo asara pasi na lo, me lo be le na ala pepe, lo zia be ti lo kue na ndö ti Nzapa so ayeke fâ ngbanga na legeni.

1 Samuel 26:19

Fadeso, ayeke nzoni gbia, kota zo ti mbi ama tënë ti mbi, zo ti kua ti lo nzoni. Tongana KOTA GBIA laa apusu mo ti sara sioni na mbi, ayeke nzoni *sandaga so azo amu na lo ade be ti lo. Me tongana azo laa apusu mo, ayeke nzoni KOTA GBIA adeba ala, ngbanga ti so ala laa atumba mbi na kodro fadeso; ala laa ake titene mbi lango na kodro so KOTA GBIA amu na azo ti lo. Na sarango ye tongaso, ala ye ti tene na mbi: ‘Gue, mo voro ambeni nzapa nde!’