2 Samuel 16:1 - Mbeti ti Nzapa - Tënë so amu fini

¹ So David ahon gi li ti hoto ni kete awe, Siba, zo ti kua ti Mefibaal aga na mbage ti lo. Lo yeke na alele use so ayo mapa ngbangbo use, gba ti aholengo le ti *vinye ngbangbo oko so akpa gatoo, ale ti keke ngbangbo oko so abe awe nga na bozo oko ti poro so vin ayeke na ya ni.

2 Samuel 16:1 ပူးပေါင်းရင်းမြစ်များ

2 Samuel 15:30

David ayeke ma hoto ti a-olive na toto na yanga ti lo. Lo kanga bongo na li ti lo si lo yeke tambula gere senge. Azo so kue ayeke na tere ti lo ti gue na li ti hoto ni, ala nga akanga bongo na li ti ala si ala yeke toto.

2 Samuel 15:32

So David asi na li ti hoto ni awe, na ndo so azo ayeke voro Nzapa daa, Hushai, zo ti mara ti Arki ayeke ga na mbage ti lo. Lo suru bongo na tere ti lo, ya ti li ti lo kue gi na sese.

2 Samuel 19:17

Shimei, molenge ti Gera, zo ti mara ti Benjamin so ayeke na kodro ti Bahurim, ague hio, lo wara azo ti Juda si ala gue, awara gbia David.

2 Samuel 19:32

Barzilai, zo ti Rogelim, na sese ti Galaad ague nga na yanga ti ngu ti Jourdain. Lo na gbia afâ ngu ni si gi na yanga ti ngu ni, lo zia gbia ti kiri.

1 Mbai 12:40

Ala sara lango ota kâ na tere ti David, ala te, ala nyon aye so a-ita ti ala, azo ti kodro aleke ndali ti ala.

Amato 18:16

Akadoo ayeke zi yanga-da kota na zo; ayeke sara si lege azi na lo ti baa akota zo.

Jérémie 40:10

Ti mbi, mbi yeke ngba ge na Mispa ti luti na iri ti ala na le ti azo ti Babilone so ayeke ga na ndo ti e. Me ti ala, ala ko ale ti *vinye, ale ti keke na mafuta, ala bata ni; ala ngba na ya ti agbata so ala mu ti duti daa.”

Jérémie 40:12

Tongaso azo ti Juda kue alondo na ando so kue a kangbi ala lani daa, ala kiri na sese ti Juda na tere ti Gedalia, na gbata ti Mispa. Kâ, ala ko gba ti ale ti vinye na ale ti keke.

Amos 8:1

Ye so Kota Gbia NZAPA afa na mbi si mbi baa ni ayeke so: mbeni sakpa so abengo le ti keke ayeke na ya ni.

Mishe 7:1

Mawa na mbi! Mbi yeke tongana zo so ague ti gi ale ti keke na peko ti so azo ako ale ti keke ni kue awe; mbi yeke tongana zo so ague ti gi ale ti *vinye na peko ti so azo afâ ale ti vinye ni awe. Me mbi wara mbeni ye oko ti tengo ni pepe, ataa le ti vinye wala le ti fige so anzere na mbi mingi so.

1 Samuel 10:3

Tongana mo londo na ndo so, mo hon yongoro kete, fade mo yeke si na tere ti keke ti shene ti Tabor. Kâ, fade ambeni koli ota ayeke ga ti wara mo. Ala yeke gue na da ti Nzapa so ayeke na Betel. Mbeni oko ayo akete ngasa ota, use koli ni ayo mapa ota si ota koli ni ayo bozo ti poro so vin ayeke na ya ni.

1 Samuel 16:20

Yese amu lele, mapa na bozo so a sara ni na poro ti nyama si vin ayeke na ya ni, lo mu nga molenge ti ngasa si lo mu na molenge ti lo David titene lo gue na ni na Saul.

1 Samuel 25:18

Abigail alondo hio amu mapa ngbangbo use, bozo use so a sara na poro ti nyama si vin ayeke na ya ni, ataba oku so a leke ala kue awe, sakpa oku ti *ble so a yoro ni yorongo, gba ti aholengo le ti vinye ngbangbo oko nga na gba ti aholengo le ti fige ngbangbo use so akpa gatoo. Lo zia aye so kue na ndö ti alele.