2 Samuel 15:31 - Mbeti ti Nzapa - Tënë so amu fini

³¹ Azo ague, atene na David: “Ahitofel ayeke na popo ti azo so ala na Absalom aleke tënë na hondengo ni na tere ti gbia.” David atene: “*KOTA GBIA, mbi voro mo, sara si wango ti Ahitofel aga buba wango!”

2 Samuel 15:31 ပူးပေါင်းရင်းမြစ်များ

2 Samuel 15:12

Na ndembe so Absalom ayeke mu asandaga, lo tokua azo na gbata ti Gilo ti iri Ahitofel, wamungo-wango ti David. Azo so amu peko ti Absalom, wungo ti ala ayeke gue guengo na nduzu, asara si lekengo tënë na hondengo ni na tere ti gbia aga ngangu mingi.

2 Samuel 16:23

Na ngoi ni so, wango so Ahitofel amu na azo, ala yeke ma ni tongana tënë ti Nzapa. Tongaso laa, ataa David, ataa Absalom, ala yeke sara ye alingbi gi na awango ti lo kue.

2 Samuel 17:14

Absalom na azo ti Israel kue atene: “Wango so Hushai, zo ti mara ti Arki amu so ayeke nzoni mingi ahon wango ti Ahitofel.” Andaa *KOTA GBIA aye ti buba ya ti nzoni wango so Ahitofel amu si fade Absalom awara kpale.

2 Samuel 17:23

So Ahitofel abaa so azo ake ti ma wango ti lo, lo mu lele ti lo, lo ko na ndö ni si lo kiri na gbata ti lo. Lo leke tënë ti aye ti da ti lo, na pekoni, lo kanga kamba na go ti lo si lo kui. A lu lo na ya ti du ti kuâ ti babâ ti lo.

2 Samuel 17:5

Me Absalom atene: “Ayeke nzoni a iri nga Hushai, zo ti mara ti Arki, e ma tënë ti lo si.”

2 Samuel 17:7

Hushai akiri tënë na Absalom, atene: “Ti so ni, wango so Ahitofel amu so ayeke nzoni pepe.

Mbeti ti Job 5:12

Azo so ayeke sara ye na sioni mayere, lo yeke buba pialo ti ala. Ye so ala ye ti sara, ala ha gbaa.

Abia (Psaumes) 109:3

Ala ngoro mbi kue na atënë ti sioni be, ala yeke tiri na mbi senge senge.

Abia (Psaumes) 3:1

Bia ti David; na ngoi so molenge ti lo Absalom ayeke tumba lo si lo yeke kpe.

Abia (Psaumes) 41:9

Ala yeke tene: “Lo wara sioni kobela awe! So lo lango na gbogbo awe so, lo yeke kiri ti londo pepe!”

Abia (Psaumes) 55:10

*Kota Gbia, buba ya ti yanga ti kodro ti ala si ala kiri ama tere pepe, kangbi ya ti ala! Biani, na ya ti gbata ni, mbi baa gi aye ti ngangu na tiri.

Abia (Psaumes) 55:12

Na ya ti gbata ni, gi bubango ye; sarango ngangu nga na handango zo angba na ndö ti alege.

Ésaïe 19:3

Fade be ti azo ti Ezipte ayeke woko, mbi yeke buba ya ti apialo ti ala. Tongaso, ala yeke gue ti hunda ayanda, ayingo ti akuâ na azo so ayeke baa nda ti aye.

Ésaïe 44:25

Fadeso mbi yeke mingo aye ti dongo be ti azo ti fango nda ti ye na mvene; mbi yeke sara si azo ti bango nda ti aye atene tënë kirikiri. Mbi yeke sara si azo ti ndara akiri na peko; mbi yeke sara si hingango ye ti ala aga buba ye.

Jean 13:18

Mbi yeke tene tënë so ndali ti ala kue pepe; mbi hinga azo so mbi soro ala. Mbeti ti Nzapa atene: ‘Zo so mbi na lo, e yeke te kobe, lo laa lo yo gere ti lo ti do mbi.’ Alingbi tënë so aga taa-tënë.

1 Korente 1:20

Zo ti ndara ayeke na ndo wa? Wafango-ndia ayeke na ndo wa? Zo ti *bingbingo tënë ti ngoi so ayeke na ndo wa? Nzapa asara si ndara ti dunia so aga gi buba ye.

Jacques 3:15

Mara ti ndara tongaso alondo na yayu pepe, alondo na sese so, alondo na azo, alondo nga na Zabolo.