2 Samuel 15:30 - Mbeti ti Nzapa - Tënë so amu fini

³⁰ David ayeke ma hoto ti a-olive na toto na yanga ti lo. Lo kanga bongo na li ti lo si lo yeke tambula gere senge. Azo so kue ayeke na tere ti lo ti gue na li ti hoto ni, ala nga akanga bongo na li ti ala si ala yeke toto.

2 Samuel 15:30 ပူးပေါင်းရင်းမြစ်များ

2 Samuel 15:29

Tongaso Sadok na Abiatar amu sanduku ti mbuki ti Nzapa, ala kiri na ni na Jérusalem si ala ngba kâ.

2 Samuel 19:4

Na lango ni so, aturugu akiri na kodro na hondengo ni tongana aturugu so akpe bira si kamene ahon ndö ti ala.

2 Samuel 19:5

Gbia akanga le ti lo na bongo si lo yeke dekongo ngangu, lo tene: “Absalom, molenge ti mbi-oo! Absalom molenge ti mbi-oo! Molenge ti mbi!”

Esther 6:12

Na pekoni, Mardochée akiri na ndo ti kua ti lo na yanga ti yangbo ni. Me Haman akiri na loro na ndo ti lo; kamene ahon ndö ti lo si lo kanga le ti lo na bongo.

Abia (Psaumes) 42:3

Tongana ti so nzara ti ngu ayeke sara zo, nzara ti Nzapa so ayeke na fini ayeke sara mbi legeoko tongaso. Lawa laa mbi yeke li na ya ti kota da ti lo ti luti na dawa ti lo so?

Abia (Psaumes) 43:5

Mbi hunda tere ti mbi: mbi yeke na vundu tongaso ndali ti nyen? Mbi yeke dema tere ti mbi tongaso ndali ti nyen? Ayeke nzoni mbi zia be ti mbi ti ku Nzapa! Biani, fade mbi yeke kiri ti sepela lo, lo so lo soo mbi si lo yeke Nzapa ti mbi.

Ezekiel 24:17

Mo dema gi na be ti mo, mo sara mua pepe; me mo kanga na li ti mo bongo so a yeke kanga na li tongana kpoto, mo yu poro ti mo. Mo mu bongo, mo kanga na kua ti yanga ti mo pepe, mo te kobe so a to ndali ti totongo na kuâ pepe.”

Ezekiel 24:23

Fade ala yeke bata na li ti ala bongo so a yeke kanga na li tongana kpoto, ala yeke bata poro ti ala na gere ti ala. Ala yeke dema tere ti ala pepe, ala yeke toto kuâ pepe; me fade ala yeke nge ngengo na ya ti asioni ti ala si ala yeke dema na popo ti ala.

Zakarii 14:4

Na lango ni so, lo yeke zia gere ti lo na ndö ti hoto ti a-olive so abaa ndo le na le na Jérusalem, na mbage ti To ti gbata ni. Fade ya ti hoto ni ayeke suru use, mbeni popo-hoto ayeke sigigi daa, ti londo na To ngbii asi na Do. Mbeni mbage ti hoto ni ayeke hon na mbage ti Banga si mbeni mbage ni ayeke hon na mbage ti Mbongo.

Matthieu 5:4

Ti ala nzoni, ala so ayeke na vundu, ngbanga ti so Nzapa ayeke zi ande vundu ti ala!

Nzoni Tënë so Luc asu na mbeti 19:29

So lo ga nduru na Betfaze na Betanii, na tere ti hoto ti a-olive, lo iri adisiple use si lo tene na ala:

Nzoni Tënë so Luc asu na mbeti 19:37

So ala ga nduru na Jérusalem, na lege so alondo na ndö ti hoto ti a-olive ni ti zu, adisiple gbani gbani ayeke dekongo ti sepela Nzapa na ngia na be ti ala, ndali ti aye ti kpene so ala baa ni so.

Nzoni Tënë so Luc asu na mbeti 19:41

Jésus asi nduru na Jérusalem, lo baa gbata ni si lo toto ndali ni.

Nzoni Tënë so Luc asu na mbeti 21:37

Na kota lâ, Jésus ayeke fa ye na azo na ya ti kota da ti Nzapa; me na lakui, lo yeke gue ti lango na ndö ti hoto so a iri ni hoto ti a-olive.

Nzoni Tënë so Luc asu na mbeti 22:39

Jésus asigigi si lo gue na hoto ti a-olive tongana ti so lo yeke sara lakue; adisiple ti lo amu peko ti lo.

Awatokua 1:12

Tongaso, *awatokua alondo na ndö ti hoto so a iri ni hoto ti a-olive si ala kiri na Jérusalem; hoto ni ayo nduru na kilometere oko na gbata ni.

Rome 12:15

Ala sara ngia na azo so ayeke na ngia, ala toto na azo so ayeke toto.

1 Korente 12:26

Tongana mbeni mbage ti tere oko ayeke baa pasi, atanga ni kue ayeke baa pasi legeoko na lo. Tongana a ne mbeni mbage ti tere oko, fade ayeke ne nga atanga ni kue.