2 Samuel 15:27 - Mbeti ti Nzapa - Tënë so amu fini

²⁷ Gbia akiri atene na wayango-sandaga Sadok: “Baa ye! Mo kiri na siriri na ya ti gbata, mo na molenge ti mo Ahimaas nga na Abiatar, lo na molenge ti lo Jonatan.

2 Samuel 15:27 ပူးပေါင်းရင်းမြစ်များ

2 Samuel 15:34

Me tongana mo kiri na ya ti gbata si mo tene na Absalom: ‘Gbia, mbi yeke zo ti kua ti mo. Lani mbi yeke zo ti kua ti babâ ti mo, me fadeso mbi ga zo ti kua ti mo awe.’ Tongaso, fade mo yeke mu maboko na mbi ti kanga lege na wango ti Ahitofel.

2 Samuel 15:36

Ahimaas, molenge ti Sadok na Jonatan, molenge ti Abiatar, ala use kue ayeke na tere ti ala. Atënë so kue ala yeke ma, fade ala yeke tene na amolenge ni ti ga ti tene peko ni na mbi.”

2 Samuel 17:17

Jonatan, molenge ti Abiatar na Ahimaas, molenge ti Sadok aluti nduru na li ti ngu ti En-Rogel. Mbeni zo ti kua ti wali ayeke daa so ayeke gue ti tene atënë na ala si ala wani ayeke gue ti tene peko ni na gbia David. Biani, Jonatan na Ahimaas alingbi pepe ti li na ya ti gbata ni, ngbanga ti azo abaa ala.

2 Samuel 18:19

Ahimaas, molenge ti Sadok, atene na Yoab: “Zia lege na mbi, mbi mu loro, mbi gue, mbi tene sango so na gbia, mbi tene, *KOTA GBIA afâ ya ti ngbanga na lege so lo zi gbia na maboko ti awato ti lo.”

2 Samuel 24:11

Na ndaperere, so David alondo, andaa tënë ti KOTA GBIA asi na wayanga-Nzapa Gad awe, zo ti bango nda ti aye na David; tënë ni atene:

1 Agbia 1:42

So lo ngba ti tene tënë, Jonatan, molenge ti wayango-sandaga Abiatar asi. Adonia atene na lo: “Mo ga ge! Mo yeke koli so azo ane mo mingi! Gbaa, mo yeke ga na e nzoni sango laa!”

1 Agbia 4:15

Ahimaas ayeke govoronere ti sese ti Neftali. Lo nga, lo mu mbeni molenge ti Salomon ti ga wali ti lo; iri ti wali ni ayeke Basmat;

1 Mbai 25:5

Ala so kue ayeke amolenge ti Heman, zo ti bango nda ti aye na gbia si lo yeke fa ngangu ti lo. Nzapa amu na Heman amolenge-koli baleoko na osio na amolenge-wali ota.

1 Mbai 6:8

Elkana ayeke molenge ti Asir, Abiasaf ayeke molenge ti Elkana, Asir ayeke molenge ti Abiasaf,

1 Samuel 9:6

Zo ti kua ni atene na lo: “Mbeni zo ti Nzapa ayeke na ya ti gbata so. Azo ane lo mingi; tënë so kue lo yeke tene, ye ni ayeke si biani. E gue, e baa lo si. E hinga pepe, fade lo yeke fa na e lege so e lingbi ti mu ni.”

1 Samuel 9:9

Ando na kodro ti Israel, tongana azo aye ti gue ti hunda mbeni ye na Nzapa, ala yeke tene: “Ala ga, e gue, e baa zo ti bango nda ti aye.” Biani, zo so azo ayeke iri lo fadeso wayanga-Nzapa, ando ala yeke iri lo “zo ti bango nda ti aye.”