2 Samuel 15:26 - Mbeti ti Nzapa - Tënë so amu fini

²⁶ Me tongana KOTA GBIA aye tënë ti mbi pepe, ayeke nzoni lo sara na mbi tongana ti so be ti lo aye.”

2 Samuel 15:26 ပူးပေါင်းရင်းမြစ်များ

2 Samuel 10:12

Mo gbu ngangu, e sara ye ti koli ndali ti azo ti e nga ndali ti agbata ti Nzapa ti e. Ayeke nzoni *KOTA GBIA asara ye so be ti lo aye.”

2 Samuel 11:27

Me so lango ti sarango mua ni ahunzi awe, David atokua titene a ga na Batsheba si lo zia lo na da ti lo. Lo ga wali ti lo si lo du molenge-koli na lo. Me ye so David asara so anzere na KOTA GBIA pepe.

2 Samuel 19:28

Zo ti kua ti mbi ague, atene mvene na iri ti mbi na mo gbia. Me gbia ti mbi, mo yeke tongana *ange ti Nzapa; mo sara ye so mo baa nzoni na le ti mo.

2 Samuel 22:20

Lo zi mbi, lo zia mbi yamba; lo zi mbi, ngbanga ti so lo ye mbi.

1 Agbia 10:9

Singila na KOTA GBIA, Nzapa ti mo so asara nzoni be na mo si lo soro mo titene mo le-gbia na ndö ti Israel! KOTA GBIA aye azo ti Israel kpu na kpu, nilaa lo zia mo gbia titene mo fâ ngbanga mbirimbiri si mo sara ye na lege ti ndia”.

1 Mbai 21:7

Ye so David asara so anzere na Nzapa pepe si lo pika azo ti Israel.

2 Mbai 9:8

Singila na KOTA GBIA, Nzapa ti mo so asara nzoni be na mo si lo soro mo titene mo le-gbia na iri ti lo na ndö ti Israel! Nzapa ti mo aye azo ti Israel, lo ye si ala ngba kpu na kpu, nilaa lo zia mo gbia na ndö ti ala titene mo fâ ngbanga mbirimbiri si mo sara ye na lege ti ndia.”

Abia (Psaumes) 39:9

Zi mbi na ya ti asiokpari ti mbi kue; mo zia lege pepe na abuba zo ti zonga mbi.

Ésaïe 42:1

*KOTA GBIA atene: “Baa, zo ti kua ti mbi laa, lo so mbi gbu lo na maboko ti lo, lo so mbi soro lo, mbi wara ngia na lege ti lo. Mbi zia Yingo ti mbi na ndö ti lo, fade lo yeke sara si sarango ye ti mbirimbiri abaa gigi ndali ti amara nde.

Ésaïe 62:4

Azo ayeke kiri ti iri mo pepe, “Gbata so azo ado azia”, azo ayeke kiri ti di iri ti kodro ti mo pepe, “Sese so aga ngonda awe”. Me azo ayeke di iri ti mo, “Wali so mbi yeke wara ngia na lege ti lo”, azo ayeke di iri ti sese ti mo, “Wali ti koli”. Biani, fade KOTA GBIA ayeke wara ngia na lege ti mo si sese ti mo ayeke ga wali ti koli.

Jérémie 22:28

Azo ayeke hunda ndo, atene: “Koli so, Konia so, lo yeke mbeni ta so ya ni afâ awe? So ti tene mbeni ta so zo alingbi ti sara na kua pepe? Lo ga mbeni ta so zo aye ni mbeni pepe? Ngbanga ti nyen si a tumba lo, lo na amolenge ti lo si a bi ala na ya ti mbeni kodro so ala hinga ni pepe so?”

Jérémie 32:41

Fade ngia ti be ti mbi ayeke ti sara titene ala baa nzoni. Na be ti mbi kue nga na tere ti mbi kue, mbi yeke sara titene gere ti ala ali sese mbirimbiri na ya ti kodro.

Wungo ti azo 14:8

Tongana KOTA GBIA aye ti sara nzoni na e, fade lo yeke gue na e na ya ti kodro ni, lo yeke mu na e kodro ni, *kodro so ngu ti me ti bagara na mafuta ti wotoro asi singo daa.

Matthieu 1:10

Ezekias adu Manase; Manase adu Amon; Amon adu Yosias;

Josué 9:25

Fadeso, e yeke na gbe ti komandema ti mo; sara na e tongana ti so mo baa nzoni na le ti mo si ayeke mbirimbiri.”

Awafango-ngbanga 10:15

Azo ti Israel akiri tënë na KOTA GBIA: “E sara siokpari awe. Sara na e tongana ti so be ti mo aye; me mo soo e laso si!”

1 Samuel 3:18

Tongaso Samuel afa na Heli peko ti atënë so kue. Lo honde mbeni tënë oko pepe. Heli atene: “KOTA GBIA laa; ayeke nzoni lo sara ye so be ti lo aye!”