2 Samuel 15:18 - Mbeti ti Nzapa - Tënë so amu fini

¹⁸ Aturugu kue ti gbia atambula na gbe ti le ti lo: ala ti Kereti na ti Peleti, na aturugu ti Gat so wungo ti ala ngbangbo omene so amu lani peko ti David, ala yeke tambula na gbe ti le ti lo.

2 Samuel 15:18 ပူးပေါင်းရင်းမြစ်များ

2 Samuel 15:17

So gbia na azo so kue amu peko ti lo asigigi na Jérusalem ti hon, ala gue, aluti kete na tere ti ndangba da ti gbata ni.

2 Samuel 18:2

David akangbi ya ti aturugu ni ota: lo zia Yoab, so iri ti mama ti lo ayeke Seruya, na li ti ambeni turugu ni, lo zia Abishai, ita ti Yoab, na li ti ambeni. Abishai ayeke molenge ti Seruya. Lo zia Itai, zo ti gbata ti Gat na li ti ambeni. Na pekoni, gbia atene na aturugu ni: “Mbi nga, mbi ye titene mbi na ala, e gue na bira ni.”

2 Samuel 20:23

Yoab ayeke makonzi ti aturugu ti Israel kue. Benaya, molenge ti Yoyada ayeke makonzi ti azo ti Kereti na ti Peleti so ayeke aturugu ti batango gbia;

2 Samuel 20:7

Aturugu so Yoab ayeke na li ti ala, ala na aturugu ti Kereti na ti Peleti, so ti tene akpengba turugu kue, ala mu peko ti Abishai, ala londo na Jérusalem ti tumba peko ti Sheba, molenge ti Bikri.

2 Samuel 6:10

David ake ti gue na sanduku ti KOTA GBIA na ndo ti lo, na Gbata ti David. Me lo zia ni na da ti Obed-Edom, zo ti gbata ti Gat.

2 Samuel 8:18

Benaya, molenge ti Yoyada ayeke makonzi ti azo ti Kereti na ti Peleti, azo ti batango gbia; amolenge ti David ayeke nga awayango-sandaga.

1 Agbia 1:38

Tongaso, wayango-sandaga Sadok, wayanga-Nzapa Natan na Benaya, molenge ti Yoyada, ala na azo ti Kereti na ti Peleti, aturugu ti batango gbia ague, abaa Salomon. Ala zia lo na ndö ti pâkârâ ti gbia David si ala gue na lo na li ti ngu ti Gihon.

1 Mbai 18:17

Benaya, molenge ti Yoyada ayeke makonzi ti azo ti Kereti na ti Peleti, azo ti batango gbia; amolenge ti David ayeke akota zo na tere ti gbia.

1 Samuel 23:13

Tongaso David na azo ti lo alondo na Keila ti hon, ala gue na ando nde nde. Wungo ti ala kue ayeke nduru na ngbangbo omene. Azo ague, atene na Saul, atene: “David alondo na Keila akpe awe.” So Saul ama tënë so, lo zia ti tokua azo ti tiri bira na gbata ni.

1 Samuel 25:13

David atene na azo ti lo: “Ayeke nzoni zo oko oko amu yongoro zeme ti lo, lo kanga ni na ngbonda ti lo!” Tongaso zo oko oko amu yongoro zeme ti lo; David nga amu yongoro zeme ti lo. Azo nduru na ngbangbo osio laa amu peko ti David si ala hon. Azo ngbangbo use si angba na tere ti akungba.

1 Samuel 27:3

David na azo ti lo angba na Gat na tere ti Akish, zo oko oko na asewa ti lo na tere ti lo. David na awali ti lo use na tere ti lo: Ahinoam, zo ti Israel na Abigail, so lani koli ti lo Nabal akui na Karmel so.

1 Samuel 27:4

So Saul ama a tene, David akpe ahonde tere ti lo na Gat, Saul azia ti tumba peko ti lo.

1 Samuel 30:1

David na azo ti lo atambula na ya ti lango ota si ala si na Siklag. Andaa azo ti Amalek aga atiri bira na Mbongo ti Israel nga na Siklag. Ala buba gbata ni si ala gbi ni.

1 Samuel 30:14

E gue lani e tiri bira na mbage ti Mbongo ti azo ti Kereti, na sese ti Juda nga na Mbongo ti azo ti Kaleb. E gbi gbata ti Siklag.”

1 Samuel 30:9

David na azo ti lo ngbangbo omene alondo ti gue. Ala si na kete ngu ti Besor si ambeni zo ni angba na ndo so.