2 Samuel 15:11 - Mbeti ti Nzapa - Tënë so amu fini

¹¹ Azo ti Jérusalem ngbangbo use so Absalom atisa ala, ala na lo ague; ala gue na vuru be, ala hinga ti ala pepe nda ti ye so lo leke.

2 Samuel 15:11 ပူးပေါင်းရင်းမြစ်များ

Tongo nda ti aye 20:5

Abraham laa atene na mbi: ‘Sara ayeke ita ti mbi.’ Sara nga atene: ‘Ita ti mbi ti koli laa.’ Mbi sara ye ni na sioni be pepe; tënë ayeke na li ti mbi pepe.”

Amato 14:15

Zo so le ti lo ahan pepe, lo yeda na atënë so kue a tene na lo; me zo ti hango le agbu li ti lo kozo si lo gue na mbeni ndo.

Amato 22:3

Zo ti hango le, tongana lo baa sioni ye ayeke ga, lo yeke honde tere ti lo. Ti azo so le ti ala ahan pepe, ala yeke hon ti ala hongo; tongaso, ala yeke wara ye ti pekoni.

Matthieu 10:16

“Ala baa, mbi yeke tokua ala tongana ataba na popo ti ambo ti ngonda. Ayeke nzoni le ti ala akpengba tongana ti angbo si ala duti tongana *ambipa so ayeke sara ngangu na zo pepe.

1 Samuel 22:15

Gi laso laa mbi to nda ti hunda Nzapa ndali ti lo? Mbi gbu li ti mbi kete pepe ti leke tënë na azo na hondengo ni na tere ti mo! Ayeke nzoni gbia azia tënë na li ti mbi, wala na li ti azo ti sewa ti mbi pepe. Mbi hinga ye oko na ya ti tënë so pepe.”

1 Samuel 9:13

Gi so ala yeke li na ya ti gbata ni, ala yeke wara lo kozoni si lo gue na ndö ti hoto ti te kobe. Zo oko alingbi ti te kobe pepe kozoni si lo ga, ngbanga ti so lo laa lo yeke sara tufa na ndö ti sandaga ni. Azo so a tisa ala so ayeke te ande ti ala kobe ni na peko. Ala gue hio fafadeso si ala wara lo.”