2 Samuel 15:10 - Mbeti ti Nzapa - Tënë so amu fini

¹⁰ Kâ, Absalom atokua azo ti lo na hondengo ni na amara ti Israel kue ti tene na ala, atene: “Tongana ala ma toto ti tatalita, ala tene: Absalom aga gbia na Hebron awe.”

2 Samuel 15:10 ပူးပေါင်းရင်းမြစ်များ

2 Samuel 13:28

Na pekoni, Absalom amu yanga na azo ti kua ti lo, atene: “Ala baa Amnon nzoni. Na ndembe so lo nyon samba ahon ndö ti lo si be ti lo ayeke na ngia, tongana mbi tene na ala: ‘Ala pika Amnon!’, fade ala pika lo, ala fâ lo. Ala sara mbeto pepe, mbi laa mbi mu yanga na ala! Ala gbu ngangu, ala sara ye ti koli!”

2 Samuel 14:30

Tongaso Absalom atene na azo ti kua ti lo: “Ala baa yaka ti *orze ti Yoab so ayeke na tere ti yaka ti mbi so. Ala gue, abi wâ daa!” Azo ti kua ni asara ye alingbi na yanga so lo mu.

2 Samuel 15:9

Gbia akiri tënë na lo: “Gue nzoni!” Absalom amu lege si lo gue na Hebron.

2 Samuel 19:10

Na popo ti azo ti mara ti Israel kue, azo ayeke *bingbi tënë mingi mingi na popo ti ala, atene: “Gbia David laa azi e na maboko ti awato ti e; lo laa lo soo e na maboko ti azo ti Filistii. Fadeso lo kpe kodro ni ndali ti Absalom.

2 Samuel 2:1

Na peko ti aye so, David ahunda *KOTA GBIA, atene: “Mbi lingbi ti gue na mbeni gbata ti Juda?” KOTA GBIA akiri tënë: “Mo gue senge.” David ahunda ndo, atene: “Mbi lingbi ti gue na ndo wa?” KOTA GBIA akiri tënë: “Mo gue na Hebron.”

2 Samuel 2:11

Ngoi so David aduti gbia na Hebron na ndö ti azo ti Juda ayeke ngu mbarambara na nze omene.

2 Samuel 5:5

Na Hebron, lo le-gbia na ndö ti azo ti Juda ngu mbarambara na nze omene. Na Jérusalem, lo le-gbia na ndö ti azo ti Israel na azo ti Juda kue ngu baleota na ota.

1 Agbia 1:11

Tongaso, Natan aga abaa Batsheba, mama ti Salomon si atene na lo: “Adonia, molenge ti Hagite aga gbia awe; me David, gbia ti e ahinga tënë ni oko pepe. Mo ma tënë so pepe?

1 Agbia 1:34

Kâ, fade wayango-sandaga Sadok na wayanga-Nzapa Natan ayeke tuku mafuta na li ti lo ti zia lo gbia na ndö ti azo ti Israel. Ti ala, ala yeke huru tatalita si ala dekongo, atene: ‘E mu gbia Salomon na nduzu!’

2 Agbia 9:13

Gi hio tongaso, amakonzi ti aturugu ni kue amu bongo ti ala, ala zia na gbe ti lo na ndö ti eskalie. Na pekoni, ala huru didi si ala dekongo, atene: “E mu gbia Yehu na nduzu!”

1 Mbai 11:3

Tongaso, *akangba ti Israel kue aga na mbage ti gbia David na Hebron. Kâ, lo na ala asara *mbuki na dawa ti KOTA GBIA. Ala tuku mafuta na li ti David titene lo ga gbia ti Israel alingbi na tënë so KOTA GBIA atene lani na lege ti Samuel.

1 Mbai 12:23

Na ya ti lango oko oko, ambeni zo ayeke ga na tere ti David ti mu maboko na lo, gi tongaso laa wungo ti aturugu ti David aga gbani ahon ndoni.

1 Mbai 12:38

Na popo ti azo ti mara Ruben, ti Gad na ti ndambo ti mara ti Manase so ayeke na mbage ti ngu ti Jourdain, aturugu 120 000 ayeke daa; aye ti bira nde nde kue ayeke na maboko ti ala.