2 Samuel 14:7 - Mbeti ti Nzapa - Tënë so amu fini

⁷ Azo ti kete mara ti mbi kue alondo na tënë na tere ti mbi; ala tene: ‘Zia molenge so afâ ita ti lo so na maboko ti e, e ye ti fâ lo nga tongana ti so lo fâ ita ti lo so. Tongaso laa e yeke zi lo so fade lo yeke mu aye na peko ti kuâ ti babâ ti lo.’ Kete wâ so angba na mbi so, fade ala yeke mingo ni si iri ti koli ti mbi na ti asewa ti lo kue agirisa na ndö ti sese so.”

2 Samuel 14:7 ပူးပေါင်းရင်းမြစ်များ

Tongo nda ti aye 27:45

Tongana ngonzo ti lo ni ade na tere ti mo awe si lo girisa ye so mo sara na lo so awe, fade mbi yeke tokua mbeni zo kâ ti mu mo ti kiri na mo. Ndani nyen titene mbi girisa amolenge ti mbi use kue gi na ya ti lango oko?”

Tongo nda ti aye 4:14

Tongana mo tumba mbi na ndö ti sese so, fade mbi yeke honde tere ti mbi yongoro na le ti mo. Da ti li ti mbi ayeke duti daa pepe; mbi yeke tambula gi kirikiri na ndö ti sese. Fade zo so kue ayeke wara mbi ayeke fâ mbi.”

2 Samuel 12:17

Akota zo ti da ti lo atene na lo ti lango na sese pepe; me lo ke, lo ke nga ti te kobe na ala.

2 Samuel 14:6

Mbi yeke na amolenge-koli use; ala tiri na ya ti ngonda. Mbeni apika ita ti lo afâ lo, ngbanga ti so mbeni zo ti kangbi ya ti ala ayeke daa pepe.

2 Samuel 14:8

Gbia atene na wali ni: “Kiri na da ti mo. Fade mbi yeke mu yanga ndali ti mo.”

Wungo ti azo 35:19

Zo so alingbi ti kiri peko ni na zo ni laa ayeke fâ lo. Tongana lo wara lo, lo yeke fâ lo.

Matthieu 21:38

Me so azo ti fango yaka ni abaa molenge ni, ala tene na popo ti ala: ‘Baa, lo so lo yeke ga wa ti yaka ni na peko ti babâ ti lo laa! Ala ga, e fâ lo si yaka ti lo aga ti e!’

Ndia ti fani use ni 25:6

Kozo molenge-koli so wali ni ayeke du, fade a yeke zia iri ti wakuâ ni na ndö ti lo. Tongaso si iri ti wakuâ ni angba lakue na sese ti Israel.