2 Samuel 14:33 - Mbeti ti Nzapa - Tënë so amu fini

³³ Yoab ague, atene peko ti atënë ti Absalom kue na gbia. Gbia airi Absalom si lo gue na ndo ti gbia; lo kuku, lo kpo li ti lo na sese na dawa ti gbia. Tongaso gbia asu ngbangba ti lo.

2 Samuel 14:33 ပူးပေါင်းရင်းမြစ်များ

Tongo nda ti aye 27:26

Tongaso Isaac, babâ ti lo, atene na lo: “Molenge ti mbi, ga nduru na tere ti mbi, mo su ngbangba ti mbi.”

Tongo nda ti aye 33:4

Ezau amu loro ague, awara lo; lo gbu Jacob ngangu na kate ti lo si lo su ngbangba ti lo. Ala use kue atoto.

Tongo nda ti aye 45:15

Lo su ngbangba ti a-ita ti lo kue si lo toto na tere ti ala. Na pekoni, a-ita ti lo atene tënë na lo.

2 Samuel 15:5

Tongana mbeni zo aga ti kuku na gbe ti Absalom, lo yeke yoro maboko ti lo, lo gbu zo ni si lo su ngbangba ti lo.

2 Samuel 19:39

Gbia atene: “Nzoni! Fade mbi na Kimham, e yeke gue; mbi yeke sara na lo tongana ti so anzere na be ti mo. Ye so kue mo yeke hunda na mbi, mbi yeke mu na mo.”

1 Agbia 1:53

Gbia Salomon atokua azo titene ala gue, amu Adonia na tere ti gbalaka ni azu na lo na sese. Adonia aga akuku, akpo li ti lo na sese na dawa ti gbia Salomon si Salomon atene na lo: “Londo, mo gue na ndo ti mo!”

Nzoni Tënë so Luc asu na mbeti 15:20

Lo mu lege ti kiri na ndo ti babâ ti lo. “So lo de yongoro na lege, babâ ti lo abaa lo, mawa agbu be ti lo, lo kpe, lo gbu lo na kate ti lo si lo su ngbangba ti lo.