2 Samuel 14:26 - Mbeti ti Nzapa - Tënë so amu fini

²⁶ Na ya ti ngu oko oko, lo yeke fâ kua ti li ti lo, ngbanga ti so ayeke ne lo mingi. Tongana a haka kua ti li ni, nengo ni ahon kilo use, alingbi na ye ti hakango na ye ti gbia.

2 Samuel 14:26 ပူးပေါင်းရင်းမြစ်များ

Tongo nda ti aye 23:16

Abraham ama tere na Efron; lo diko ale ti nginza alingbi na ti so Efron adiko na le ti azo ti mara ti Het kue so si lo mu na lo. Wungo ti nginza ni ayeke ale ti nginza ngbangbo osio, so azo ayeke vo na ye na ngoi ni kâ.

2 Samuel 18:9

Mo ye ti baa, Absalom atengbi tere na aturugu ti David le na le. Absalom ayeke na ndö ti *pâkârâ. Pâkârâ ni ahon na gbe ti mbeni kota keke so amaboko ni ayeke gbani gbani. Kua ti li ti lo ali na ya ti maboko ti keke ni si pâkârâ ni ahon. Absalom angba gi na le ti nduzu tongaso.

Ésaïe 3:24

Afungo ka laa ayeke mu plase ti yombo, senge kamba laa ayeke mu plase ti pendere kamba ti ndö ti bongo, kiongo kua ti li laa ayeke mu plase ti pendere pete, agbagba bongo laa ayeke mu plase ti abongo ti matanga. Kamene laa ayeke mu plase ti sarango pendere.

Ezekiel 44:20

“Awayango-sandaga ayeke kio kua ti li ti ala pepe; ala yeke zia kua ti li ti ala ayo mingi pepe, me ala yeke fâ kua ti li ti ala ni nzoni.

Awayango-sandaga 19:36

Alingbi ala mu kilo so ayeke na legeni, sembe ni nga na aye ti hakango na ye so ayeke na legeni ti haka na ye na azo. Mbi laa mbi yeke KOTA GBIA, Nzapa ti ala so mbi mu ala na kodro ti Ezipte, mbi sigigi na ala.

1 Korente 11:14

Tongana koli ayeke na yongoro kua ti li, lo bi tere ti lo na sese awe. Gigi laa ayeke fa na ala ye so pepe?