2 Samuel 14:25 - Mbeti ti Nzapa - Tënë so amu fini

²⁵ Na Israel kue, mbeni zo so apendere si azo ayeke gonda lo tongana Absalom ayeke daa pepe. Ti londo na gere ti lo asi na li ti lo, mbeni sioni ye oko ayeke daa pepe.

2 Samuel 14:25 ပူးပေါင်းရင်းမြစ်များ

1 Agbia 1:6

Na ya ti fini ti lo, babâ ti lo asuku na lo laoko pepe, atene: “Mo sara mara ti ye tongaso ngbanga ti nyen?” Adonia ayeke nga pendere koli mingi; a du lo na peko ti Absalom.

Mbeti ti Job 2:7

Tongaso Satan alondo ahon na le ti KOTA GBIA. Na pekoni, lo pika Job na sioni kobela ti ka ti sanzo. Ka ni amu tere ti lo kue, alondo na gbe ti gere ti lo ngbii asi na li ti lo.

Amato 31:30

Pendere ayeke handa zo; pendere ti tere ayeke ninga pepe. Gi wali so akpe mbeto ti KOTA GBIA, wali so alingbi titene azo agonda lo laa.

Ésaïe 1:6

Ti londo na gere ti ala ngbii asi na li ti ala, mbeni ndo so angba nzoni ayeke daa pepe. Tere ti ala kue amboko na ka, tere ti ala kue asuru na ka, le ti aka ni azi kota, a sukula ni pepe, a kanga ni pepe, a zia yoro daa pepe.

Ezekiel 23:15

Ala kanga kamba ti ndö ti bongo na ngbonda ti ala, ala yu kpoto na li ti ala. Ala kpa akpengba zo ti bira. Ala yeke tongana azo so ayeke lango na Babilone, kodro so a du ala daa.

Daniel 1:4

Alingbi mbeni ye ti tere ti amaseka-koli ni oko abuba pepe; ala yeke pendere mingi; ala si singo na ndara, ala yeke azo ti hingango mbeti na azo ti hingango ndo. Tongaso, fade ala yeke sara kua na yangbo ti gbia; fade a yeke fa na ala agere ti mbeti nga na yanga ti kodro ti azo ti Babilone.

Matthieu 23:27

“Mawa na ala, awafango-ndia, ala na afarizien! Tënë ti yanga ti ala ayeke nde na sarango ye ti ala! Ala kpa gi adu ti kuâ so azo aleke ndö ni na mbamba. Ndö ni ayeke pendere, me na ya ni, abio na afungo ye nde nde asi singo daa.

Efeze 5:27

ngbanga ti so lo ye si Eglize ni aluti na le ti lo, pendere, sarate ayeke daa pepe, le ti lo akpa ti mbakoro pepe, mbeni sioni ye oko ayeke daa pepe. Lo ye si Eglize ni aduti nde si aduti nzoni kue, tënë ayeke na li ti lo pepe.

Ndia ti fani use ni 28:35

Fade KOTA GBIA ayeke pika ala na asioni kobela ti ka ti sanzo so ayeke kai pepe. Aka ni ayeke gbu ala na likunu ti ala nga na ngbonda ti ala; na pekoni, ayeke mu tere ti ala kue, ti londo na gbe ti gere ti ala ngbii asi na li ti ala.

1 Samuel 16:7

Me KOTA GBIA atene na Samuel: “Mo baa pendere ti lo wala yongo ti lo pepe. Mbi ke lo awe. Bango ndo ti mbi ayeke tongana bango ndo ti azo pepe. Azo ayeke baa ti ala gi ye so ayeke pika le ti ala; me mbi yeke baa ti mbi be ti zo.”

1 Samuel 9:2

lo yeke na molenge-koli so iri ti lo Saul; lo yeke mbeni maseka-koli so lo yeke pendere mingi. Na popo ti azo ti Israel, mbeni zo so apendere ti lingbi na lo ayeke daa pepe. Lo yo lo hon azo ti Israel kue.