2 Samuel 14:24 - Mbeti ti Nzapa - Tënë so amu fini

²⁴ Me gbia atene: “Ayeke nzoni Absalom ague na da ti lo! Lo ga na dawa ti mbi pepe!” Nilaa Absalom ague na da ti lo, lo si na dawa ti gbia pepe.

2 Samuel 14:24 ပူးပေါင်းရင်းမြစ်များ

Tongo nda ti aye 43:3

Juda atene na lo: “Koli ni atene na e mbirimbiri, atene: ‘Tongana ita ti ala ayeke na tere ti ala pepe, ala yeke baa le ti mbi pepe.’

2 Samuel 13:20

Ita ti lo Absalom ahunda lo, atene: “Ita ti mo Amnon alango na mo? De be ti mo! Tene tënë ni na zo oko pepe; ita ti mo laa. Zia be ti mo daa pepe.” Nilaa Tamar ayeke lango na ya ti da ti ita ti lo Absalom tongana mbeni wali so zo ado lo azia.

2 Samuel 14:28

Absalom asara ngu use na Jérusalem, lo si na dawa ti gbia pepe.

2 Samuel 3:13

David akiri tënë: “Nzoni! Fade mbi na mo, e yeke sara *mbuki; me mbi hunda na mo gi ye oko: Kozo titene mbi na mo, e wara tere, ayeke nzoni mo tokua wali ti mbi Mikal, molenge ti Saul si.”

Sigingo 10:28

Faraon atene na Moïse: “Hon na le ti mbi! Sara hange si mo kiri mo ga na dawa ti mbi pepe! Tongana mo kiri ti ga na dawa ti mbi, andaa kuâ ti mo laa!”

Aye so Nzapa afa 22:4

Azo ni ayeke baa le ti lo si a yeke su iri ti lo na ndö ti le ti ala.