2 Samuel 14:19 - Mbeti ti Nzapa - Tënë so amu fini

¹⁹ Gbia ahunda wali ni: “Yoab ayeke na gbe ti atënë so mo tene so pepe?” Wali ni akiri tënë: “Gbia ayeke na fini! Mbi lingbi ti handa mo pepe! Biani, zo ti kua ti mo Yoab laa amu na mbi yanga; lo fa na mbi atënë so kue mbi lingbi fade ti tene.

2 Samuel 14:19 ပူးပေါင်းရင်းမြစ်များ

2 Samuel 11:11

Urii akiri tënë na David, atene: “Sanduku ti *mbuki ti *KOTA GBIA, aturugu ti Israel na ala ti Juda kue ayeke lango na gbe ti da ti bongo. Makonzi ti aturugu Yoab na aturugu ti lo ti kota kamba ayeke lango na ya ti ngonda si mbi, mbi gue ti mbi na da ti mbi ti te kobe, ti nyon ye, ti lango na tere ti wali ti mbi? Gbia ayeke na fini! Mbi yeke sara mara ti ye tongaso laoko pepe.”

2 Samuel 14:18

Gbia akiri tënë na wali ni: “Mbi yeke hunda na mo mbeni tënë oko; mo yeke kiri tënë na mbi, me mo honde mbeni tënë oko na mbi pepe.” Wali ni atene: “Ayeke nzoni gbia ti mbi atene tënë!”

2 Samuel 14:3

Na pekoni, mo gue, mo wara gbia. Tënë so mbi yeke tene na mo so, fade mo tene na lo.” Yoab afa na lo tënë so lo lingbi ti tene.

2 Samuel 18:13

Tongana mbi tene: mbi ma tënë ni pepe si mbi fâ lo, gbaa fade gbia ayeke ma tënë ti mvene ti mbi, ngbanga ti so mbeni ye ti honde na gbia ayeke daa pepe. Ti mo, mo lingbi fade pepe ti gbu koko ti mbi.”

2 Samuel 3:27

So Abner akiri na Hebron awe, Yoab amu lo yeke, ala hon yongoro kete, na yanga ti gbagba ti gbata ni, mo baa mo tene, lo ye ti tene mbeni tënë na lo so abaa gi ala use. Kâ, Yoab akpo ya ti Abner, lo fâ lo ndali ti ita ti lo Asael so lani Abner afâ lo so.

2 Samuel 3:29

Ayeke nzoni ngbanga ti mene ti Abner akiri na ndö ti Yoab na asewa ti lo kue! Na ya ti sewa ti lo, ayeke nzoni mbeni zo aduti daa lakue so kobela so ayeke yuru na lege ti tere ti koli wala ti wali ayuru na tere ti lo, wala mbeni zo so kobela ti buruma asara lo, wala mbeni koli so aga zo ti sarango kua ti awali, wala mbeni zo so akui kuâ ti yongoro zeme wala zo so kobe atia lo.”

2 Samuel 3:34

A kanga maboko ti mo pepe wala a kanga gere ti mo na ya ti zingiri ti bengba wen pepe. Kuâ ti mo ayeke tongana kuâ ti zo so azo ti sarango sioni afâ lo.” Azo ti kodro kue akiri atoto Abner.

2 Agbia 2:2

Élie atene na Élisée: “Mbi gbu gere ti mo, mo ngba na ndo so, ngbanga ti so KOTA GBIA atokua mbi kâ na Betel.” Élisée akiri tënë: “KOTA GBIA ayeke na fini! Mo nga, mo yeke na fini! Fade mbi yeke zia mo pepe!” Tongaso ala kue, ala gue na Betel.

Sigingo 4:15

Fade mo yeke tene tënë na lo, mo yeke zia na yanga ti lo tënë so lo lingbi ti tene. Ti mbi, fade mbi yeke na ala use kue na ndembe so ala yeke tene tënë; mbi yeke fa na ala ye so ala lingbi ti sara.

Amato 25:2

Gonda ti Nzapa ayeke ti honde aye; gonda ti agbia ayeke ti gi nda ti aye.

Amato 4:27

Mo zia lege ni ti hon mbage na mbage pepe; mo kpe lege ti sioni ye.

Wungo ti azo 20:17

E gbu gere ti mo, mo zia e, e hon na ya ti kodro ti mo! Fade e yeke hon na ya ti ayaka wala ayaka ti *vinye pepe, e yeke nyon nga ngu ti du ti ngu pepe. E yeke mu gi kota lege, e yeke hon mbage na mbage pepe ngbii e hon ya ti sese ti mo.”

Nzoni Tënë so Luc asu na mbeti 21:15

Biani, fade mbi wani, mbi yeke mu na ala tënë ti tenengo ni na ndara so awato ti ala alingbi pepe ti dekite na ni wala ti ke ni.

Ndia ti fani use ni 28:14

alege so mbi fa na ala, fade ala yeke zia ni ti hon mbage na mbage pepe, ala yeke mu peko ti ambeni nzapa nde pepe ti voro ala.

Ndia ti fani use ni 5:32

Moïse akiri atene na azo ti Israel, atene: Ala sara kue ti sara ye alingbi na ye so KOTA GBIA Nzapa ti ala amu yanga na ala ti sarango ni; ala zia ni, ahon mbage na mbage pepe.

Josué 1:7

Biani, gbu ngangu, mo sara ye ti koli; mo sara ye alingbi na *Ndia so kue Moïse, zo ti kua ti mbi, afa na mo. Mo zia lege ti Ndia ni ti gue mbage na mbage pepe; tongaso si na ndo so kue mo yeke gue daa, aye so kue mo yeke sara, fade ayeke ga nzoni.

1 Samuel 1:26

Anne atene na Heli: “Babâ, mbi gbu gere ti mo; mo laa mo ngba na le ti mo so. Wali so lani aluti na tere ti mo ge ti sambela KOTA GBIA so, ayeke mbi.

1 Samuel 17:55

So Saul abaa David amu lege ti gue ti tiri bira na zo ti Filistii so, lo hunda Abner, makonzi ti aturugu, lo tene: “Abner, babâ ti molenge-koli so ayeke zo wa?” Abner akiri tënë: “Gbia, mo laa mo ngba na fini le ti mo so, mbi hinga ye oko daa pepe.”

1 Samuel 20:3

David akiri adeba yanga ti lo, atene: “Babâ ti mo ahinga kue atene, mo ye mbi mingi. Lo tene na be ti lo, lo tene: ‘Ayeke nzoni Jonatan ahinga tënë so pepe ngbanga ti be ti lo aso.’ *KOTA GBIA ayeke na fini! Mo nga, mo yeke na fini! Angba kete ka mbi kui.”

1 Samuel 25:26

*KOTA GBIA ayeke na fini! Mo nga, mo yeke na fini! KOTA GBIA laa akanga lege na mo, babâ ti mbi titene mo ga, mo tuku mene ti azo pepe si mo fâ nga ngbanga ti mo, mo wani pepe. Ayeke nzoni ye so asi na Nabal asi na awato ti mo, ala so ayeke gi lege ti fâ mo so.