2 Samuel 14:17 - Mbeti ti Nzapa - Tënë so amu fini

¹⁷ Mbi tene na be ti mbi, mbi tene: ‘Gbaa, tënë so gbia ayeke tene, ayeke de be ti zo. Biani, gbia ayeke tongana mbeni *ange ti Nzapa, ngbanga ti so lo hinga ti kangbi popo ti ye so ayeke nzoni na ye so ayeke sioni.’ Ayeke nzoni KOTA GBIA, Nzapa ti mo aduti na mo!”

2 Samuel 14:17 ပူးပေါင်းရင်းမြစ်များ

2 Samuel 14:18

Gbia akiri tënë na wali ni: “Mbi yeke hunda na mo mbeni tënë oko; mo yeke kiri tënë na mbi, me mo honde mbeni tënë oko na mbi pepe.” Wali ni atene: “Ayeke nzoni gbia ti mbi atene tënë!”

2 Samuel 14:20

Lo sara tongaso titene ye asanze. Me mo gbia ti mbi, ndara ti mo ayeke tongana ti ange ti Nzapa. Mo hinga ye so kue ayeke si na ndö ti sese.”

2 Samuel 19:27

Mefibaal akiri tënë, atene: “Gbia ti mbi, zo ti kua ti mbi laa ahanda mbi. Mbi tene na be ti mbi, mbi tene: ‘So mbi yeke ti mbi zo ti bubango gere so, fade mbi yeke mu yanga titene a leke lele ti mbi, mbi ko na ndö ni si mbi mu peko ti gbia.’

2 Samuel 19:28

Zo ti kua ti mbi ague, atene mvene na iri ti mbi na mo gbia. Me gbia ti mbi, mo yeke tongana *ange ti Nzapa; mo sara ye so mo baa nzoni na le ti mo.

1 Agbia 3:28

Azo ti Israel kue ama tënë ti ngbanga so gbia Salomon afâ. Ala kpe mbeto ti gbia, ngbanga ti so ala baa so Nzapa amu na lo ndara ti fâ ngbanga mbirimbiri.

1 Agbia 3:9

Tongaso, mu na mbi, zo ti kua ti mo hingango ndo so alingbi titene mbi sara na komandema na ndö ti azo ti mo, titene mbi hinga ye so ayeke nzoni na ye so ayeke sioni. Tongaso pepe, zo wa laa alingbi ti sara komandema na ndö ti azo ti mo, azo ti mo so ayeke mingi mingi so?”

Mbeti ti Job 6:30

Mbeni tënë ti mvene ayeke na yanga ti mbi? Mbi hinga ye so iri ni vundu pepe?

Amato 27:21

A yeke tara lôro na wen ti nginza na ya ti wâ; me ye so a yeke hinga zo na ni ayeke nzoni tënë so azo ayeke tene na ndö ti lo.

Amato 29:5

Zo so atene anzerengo tënë ti handa na mba ti lo, lo zia gbanda na lege ti lo.

Ahebro 5:14

Kpengbango kobe ayeke ndali ti akangba, ngbanga ti so na lege ti sarango ye so ala yeke sara lakue, le ti ala azi awe ti hinga ye ti nzoni na ye ti sioni.

Josué 1:17

E yeke ma yanga ti mo na ya ti ye kue tongana ti so e ma lani yanga ti Moïse so. Biani, fade KOTA GBIA, Nzapa ti mo ayeke na mo tongana ti so lo yeke lani na Moïse so.

1 Samuel 29:9

Akish akiri tënë na David: “Mbi hinga; biani be ti mbi aye mo tongana mbeni ange ti Nzapa. Me amakonzi ti aturugu ti Filistii atene: ‘Lo lingbi ti gue na peko ti e na bira so pepe.’