2 Samuel 14:14 - Mbeti ti Nzapa - Tënë so amu fini

¹⁴ Mbeni lâ, fade e kue, e yeke kui. E yeke tongana ngu so zo atuku na sese si lo lingbi ti kiri ti to ni pepe. Me ye so Nzapa adiko laa pepe ndali ti lo so a tumba lo ti gue na mbeni kodro yongoro; me Nzapa aleke na be ti lo titene zo ni angba yongoro na lo pepe.

2 Samuel 14:14 ပူးပေါင်းရင်းမြစ်များ

2 Samuel 11:25

David atene na zo ti tokua ni: “Gue mo tene na Yoab, mo tene: ‘Ye so asi so, ayeke nzoni mo zia be ti mo na ndö ni mingi pepe. Na ya ti bira kue, kuâ ayeke kui ka mbage na mbage. Ayeke nzoni mo sara kue ti sara bira na gbata ni, mo buba ni kue.’ Ti mo, zo ti tokua ni, mo mu ngangu na be ti lo.”

2 Samuel 14:15

Fadeso, mbi ga ti tene tënë so na mo gbia, ngbanga ti so azo azia mbeto na be ti mbi. Mbi tene na be ti mbi, mbi tene: ‘Fade mbi yeke tene tënë na gbia. Mbi hinga pepe, fade gbia ayeke sara ye alingbi na tënë so mbi, zo ti kua ti lo, mbi yeke tene na lo.

1 Agbia 11:39

Ndali ni, fade mbi yeke bi kamene na le ti ahale ti David, me kamene ni ayeke ngba lakue lakue pepe.”

Mbeti ti Job 14:14

Me zo so akui awe, lo yeke kiri ti duti na fini? Tongana ye ni ayeke fade tongaso, ka na ya ti ngoi so kue mbi baa pasi, mbi ku ngbii mbeni zo aga amu plase ti mbi si.

Mbeti ti Job 30:23

Mbi hinga kue, mo yeke gue na mbi na kuâ laa, ndo so a diko ndali ti azo so kue ayeke na fini.

Mbeti ti Job 34:15

ka azo kue akui gi legeoko, ka zo akiri aga fuku ti sese.

Mbeti ti Job 34:19

Nzapa laa ayeke mu mbage ti amakonzi pepe, lo yeke yamba zo ti mosoro nzoni ahon wayere pepe, ngbanga ti so lo laa lo sara ala use kue.

Abia (Psaumes) 22:14

Ala yeke tongana abamara so ayeke toto, ala zi yanga ti ala na tere ti mbi si ala ye ti suru ya ti mbi surungo.

Abia (Psaumes) 22:15

Ngangu ti mbi ahon tongana ngu so ayeke sua; abio ti mbi kue awoko wokongo. Be ti mbi ayeke tongana puru ti wotoro, aga tongana ngu na ya ti mbi.

Abia (Psaumes) 58:7

Nzapa, fâ apembe ti azo so na yanga ti ala; *KOTA GBIA, kungbi abio ti ngbangba ti abamara so!

Abia (Psaumes) 77:8

Fade Kota Gbia ayeke ke e biani biani? Lo yeke kiri ti sara nzoni na e pepe?

Abia (Psaumes) 79:3

Na tere ti Jérusalem ti ngoro na ni kue, ala tuku mene ti azo ti mo, mene ni asua tongana ngu, zo oko ti lungo kuâ ti ala ayeke daa pepe.

Abia (Psaumes) 90:10

Lango ti fini ti e ayeke si na ngu balembarambara; ti azo so ayeke na ngangu, ayeke si na ngu balemiombe, me ye so e yeke wara daa ayeke pasi na mawa. Ngu ayeke hon hio mingi si e nga, e yeke hon hongo.

Abia (Psaumes) 90:3

Mo sara si zo akiri na ya ti fuku ti sese, mo tene: “Amolenge ti Adam, ala kiri na ya ti fuku ti sese!”

Sigingo 21:13

Me tongana zo ni aleke na be ti lo kozoni pepe ti fâ mba ti lo ni si mbi KOTA GBIA laa, mbi yeda tongaso, fade mbi yeke fa na zo ti fango zo ni mbeni ndo titene lo kpe daa ti bata tere ti lo.

Zo ti bongbingo azo 9:5

Biani, azo so ade na fini ahinga atene, fade ala yeke kui. Me akuâ ahinga ye oko pepe; ti ala, ala yeke kiri ti wara futa pepe, ngbanga ti so be ti azo agirisa na ala awe.

Abia ti demango tere 3:31

Biani, KOTA GBIA ayeke ke zo biani biani pepe.

Ezekiel 18:23

Ala baa ti ala atene, be ti mbi anzere na kuâ ti zo ti sioni? Ye so anzere na be ti mbi, ayeke titene lo zia lege ti asioni ti lo si lo ngba na fini. So tënë ti yanga ti Kota Gbia NZAPA laa.

Awayango-sandaga 26:40

“Me azo so ayeke ngba na fini, fade ala yeke fa na gigi sioni ti ala na ti akotara ti ala. Ala yeke tene: ‘E sara ye so ayeke sioni mingi ti ke KOTA GBIA, e sara ngangu li na lo.’

Wungo ti azo 35:15

Agbata omene so ayeke duti ndo so azo ti Israel, awande nga na agene so aga gango ayeke kpe daa ti bata tere ti ala. Mbeni zo so afâ mba ti lo na mbana pepe, lo lingbi ti kpe daa ti bata tere ti lo.

Wungo ti azo 35:25

Bongbi ti azo ti Israel ayeke zi zo ti fango mba ti lo na maboko ti zo so alingbi fade ti kiri peko ni na lo. Na pekoni, ala yeke kiri na zo ti fango zo ni na ya ti gbata so lo kpe fade daa ti bata tere ti lo so. “Zo so afâ mba ti lo na mbana pepe so ayeke ngba kâ ngbii kota wayango-sandaga akui, lo so a tuku mafuta so ayeke nde si ayeke nzoni kue na li ti lo ti zia lo nde ndali ti Nzapa.

Wungo ti azo 35:28

Zo so afâ mba ti lo so ayeke ngba na ya ti gbata so zo ayeke kpe daa ti bata tere ti lo, ngbii kota wayango-sandaga akui si. Na peko ti kuâ ti kota wayango-sandaga ni, lo lingbi ti kiri na sese ti lo senge.

Matthieu 22:16

Ala tokua ambeni disiple ti ala na ambeni zo ti kama poroso ti Herode ti tene na Jésus: “Wafango-ye, e hinga so mo yeke tene gi taa-tënë, mo yeke fa taa-tënë na ndö ti lege ti sarango ye so Nzapa aye; mo yeke sara kamene ti le ti zo pepe, ataa zo ni ayeke na kota ndo.

Awatokua 10:34

Tongaso Pierre amu tënë si lo tene: “Taa-tënë, mbi hinga fadeso mbi tene, Nzapa ayeke gonda zo ndali ti le ti zo ni pepe.

Rome 2:11

Biani, Nzapa ayeke mu mbage ti mbeni zo pepe.

Ndia ti fani use ni 10:17

Biani, KOTA GBIA Nzapa ti ala ayeke kota mingi, lo hon anzapa kue, lo yeke Kota Gbia mingi lo hon agbia kue; lo yeke kota, lo yeke ngangu mingi si lo yeke zia mbeto na be ti zo. Lo yeke mu mbage ti mbeni zo pepe, zo alingbi ti pete goro na lo pepe.

Ahebro 9:27

A diko na zo kue ti kui gi fani oko, na pekoni, Nzapa ayeke fâ ngbanga na li ti lo.

1 Pierre 1:17

Nzapa ayeke fâ ngbanga na li ti zo alingbi na ye so lo sara, lo yeke mu mbage ti mbeni zo pepe. Tongaso, a-ita, tongana ala yeke sambela si ala iri Nzapa atene “Babâ”, ala duti na mbeto ti lo na ngoi so ala yeke na dunia so.