2 Samuel 14:12 - Mbeti ti Nzapa - Tënë so amu fini

¹² Wali ni atene: “Gbia, zia mbi tene mbeni tënë na mo.” Gbia atene: “Tene tënë ni ma!”

2 Samuel 14:12 ပူးပေါင်းရင်းမြစ်များ

Tongo nda ti aye 18:27

Abraham akiri amu tënë si lo tene: “Kota Gbia, mbi so mbi yeke gi fuku ti sese si mbi yeke mburu ti wâ so, mbi ye ti kanga be ti mbi ti kiri ti tene tënë na mo.

Tongo nda ti aye 18:32

Abraham akiri atene: “Tongana mbi tene tanga ti tënë ti mbi so, ayeke nzoni Kota Gbia asara ngonzo pepe. E hinga pepe, azo ti mbirimbiri na ya ti gbata ni ayeke baleoko!” KOTA GBIA atene: “Ndali ti azo baleoko so, mbi yeke buba gbata ni pepe.”

Tongo nda ti aye 44:18

Juda ague nduru na tere ti Joseph si lo tene na lo: “Kota zo, mbi gbu gere ti mo, zia mbi, zo ti gbe ti mo, mbi tene mbeni tënë, mo ma. Zia ngonzo ti mo alondo ngangu na tere ti mbi pepe, ngbanga ti so mo yeke tongana Faraon.

2 Samuel 14:11

Wali ni atene: “Ayeke nzoni gbia adeba yanga ti lo na iri ti *KOTA GBIA, Nzapa ti lo titene zo so alingbi ti kiri peko ti fango molenge ti mbi na zo ti fango lo, alingbi lo kiri lo zia vundu na ndö ti vundu pepe na fango tanga ti molenge so angba na mbi!” Gbia ni atene: “KOTA GBIA ayeke na fini! Ataa kua ti li ti molenge ti mo oko ayeke ti pepe!”

2 Samuel 14:13

Wali ni atene: “Mo leke na be ti mo ti sara ye tongaso na azo ti Nzapa ngbanga ti nyen? Tënë so asigigi fade na yanga ti mo afa atene, mo sara sioni, ngbanga ti so mo sara pepe titene lo so lani mo tumba lo ti gue na mbeni kodro wande so, lo kiri.

2 Samuel 20:17

Yoab aga nduru si wali ni ahunda lo, atene: “Mo Yoab laa?” Yoab akiri tënë: “Een, mbi laa!” Wali ni atene: “Mbi gbu gere ti mo, ma tënë ti mbi!” Yoab akiri tënë: “Mbi yeke ma mo.”

1 Agbia 2:14

Adonia akiri atene: “Mbi yeke na mbeni tënë ti tene na mo.” Batsheba atene: “Tene tënë ni ma!”

Jérémie 12:1

*KOTA GBIA, mo yeke mbirimbiri ahon ndoni, mbi lingbi ti dekite na mo pepe; me mbi ye ti hunda na mo tënë na ndö ti alege ti fango ngbanga ti mo: Ngbanga ti nyen si gigi ti azo ti sioni ayeke ga nzoni so? Ngbanga ti nyen si azo so ake tënë ti mo ayeke duti ti ala kpoo so?

Awatokua 26:1

Agripa atene na Paul: “Mbi mu na mo lege titene mo fa nda ti tënë ti mo.” Tongaso Paul asara maboko ti lo si lo to nda ti fa nda ti tënë ti lo, lo tene:

1 Samuel 25:24

Na pekoni, lo ti, lo gbu gere ti David si lo tene: “Babâ, mbi laa mbi sara sioni. Mo zia lege na mbi, zo ti kua ti mo ti tene tënë na mê ti mo. Ma tënë ti mbi si.