2 Samuel 14:11 - Mbeti ti Nzapa - Tënë so amu fini

¹¹ Wali ni atene: “Ayeke nzoni gbia adeba yanga ti lo na iri ti *KOTA GBIA, Nzapa ti lo titene zo so alingbi ti kiri peko ti fango molenge ti mbi na zo ti fango lo, alingbi lo kiri lo zia vundu na ndö ti vundu pepe na fango tanga ti molenge so angba na mbi!” Gbia ni atene: “KOTA GBIA ayeke na fini! Ataa kua ti li ti molenge ti mo oko ayeke ti pepe!”

2 Samuel 14:11 ပူးပေါင်းရင်းမြစ်များ

Tongo nda ti aye 14:22

Abram akiri tënë na lo, atene: “Baa, maboko ti mbi so mbi yeke yoro na mbage ti KOTA GBIA, Nzapa so ayeke na yayu kâ na ndö ti aye kue, lo so lo sara yayu na sese so.

Tongo nda ti aye 31:50

Tongana mo sara pasi na amolenge ti mbi ti wali si mo kiri mo mu ambeni wali nde na ndö ti amolenge ti mbi, mo sara hange, ngbanga ti so zo laa ayeke baa e pepe, me Nzapa laa ayeke baa mbi na mo.”

2 Samuel 14:10

Gbia atene: “Tongana mbeni zo atene sioni tënë na mo, ayeke nzoni mo ga na lo na mbi. Fade zo ni ayeke kiri ti sara mara ti ye ni na mo pepe.”

2 Samuel 14:12

Wali ni atene: “Gbia, zia mbi tene mbeni tënë na mo.” Gbia atene: “Tene tënë ni ma!”

2 Samuel 14:21

Na pekoni, gbia atene na Yoab: “Mbi ye ti sara ye tongana ti so mo tene so. Gue, mo mu maseka-koli Absalom, mo kiri na lo ge.”

1 Agbia 1:52

Salomon akiri tënë, atene: “Tongana lo sara ye ti mbirimbiri, kua ti li ti lo oko ayeke ti na sese pepe. Me tongana lo sara ye ti sioni, fade lo yeke kui!”

Jérémie 4:2

Tongana mo deba yanga ti mo na lege ti taa-tënë nga na lege ti tënë so ayeke na legeni si ayeke mbirimbiri, mo tene: ‘KOTA GBIA ayeke na fini’, fade amara nde ayeke sara tufa na ndö ti ala wani na lege ti lo si ala yeke pika kate ti ala ndali ni.

Wungo ti azo 35:19

Zo so alingbi ti kiri peko ni na zo ni laa ayeke fâ lo. Tongana lo wara lo, lo yeke fâ lo.

Wungo ti azo 35:21

tongana lo kpo mba ti lo na gobo, lo sara na sioni be si mba ti lo ni akui, zo so ayeke zo ti fango zo; alingbi a fâ lo. Zo so alingbi ti kiri peko ni na lo laa ayeke fâ lo tongana lo wara lo.

Wungo ti azo 35:27

si zo ti kiringo peko ti fango zo ni awara lo si afâ lo, tënë ayeke na li ti zo ti kiringo peko ni so pepe.

Matthieu 10:30

Ti ala, Nzapa adiko kua ti li ti ala kue awe.

Awatokua 27:34

Tongaso mbi hunda na ala ti te kobe; ala te ni si ala soo kuâ. Fade kua ti li oko ti mbeni zo na popo ti ala ayeke ti pepe.”

1 Samuel 14:45

Me aturugu atene na Saul: “Jonatan so asara si azo ti Israel aso benda so, fade lo yeke kui biani? Tongana e fâ lo, so ayeke sioni ye mingi. KOTA GBIA ayeke na fini! E yeke yeda titene kua ti li ti Jonatan oko ati na sese pepe, ngbanga ti so lo na Nzapa laa asara ye so laso!” Tongaso aturugu asoo Jonatan na ya ti kuâ.

1 Samuel 20:42

Jonatan atene na David: “Gue nzoni! Biani, e use kue, e deba yanga ti e na iri ti KOTA GBIA awe: ayeke nzoni KOTA GBIA aduti na popo ti mbi na mo, na popo ti *ahale ti mbi nga na ahale ti mo kpu na kpu.”

1 Samuel 28:10

Saul adeba yanga ti lo na iri ti KOTA GBIA, atene: “KOTA GBIA ayeke na fini! Tongana mo sara ye ni, mbeni ye oko ti sarango mo ayeke daa pepe.”