2 Samuel 13:5 - Mbeti ti Nzapa - Tënë so amu fini

⁵ Yonadab atene na lo: “Lango na ndö ti gbogbo ti mo, sara tongana zo so tere ti lo aso. Tongana babâ ti mo aga ti baa mo, fade mo tene na lo: ‘Zia lege na ita ti mbi ti wali Tamar aga ato na mbi kobe. Fade lo to kobe ni na le ti mbi; lo wani, lo mu kobe ni na mbi si mbi te.’ ”

2 Samuel 13:5 ပူးပေါင်းရင်းမြစ်များ

2 Samuel 13:4

Yonadab ahunda Amnon, atene: “Molenge ti gbia, ngbanga ti nyen laa lakue na ndaperere tere ti mo anzere pepe so? Mo lingbi ti tene na mbi nda ni pepe?” Amnon akiri tënë na lo: “Mbi sara nzara ti Tamar mingi, ita ti Absalom ti wali so ayeke nga ita ti mbi.”

2 Samuel 13:6

Amnon alango na ndö ti gbogbo, lo sara ye tongana zo so tere ti lo aso. Gbia aga abaa lo si lo tene na gbia ni: “Zia lege na ita ti mbi ti wali Tamar aga asara gatoo use na mbi. Ayeke nzoni lo sara gi na le ti mbi, lo wani, lo mu na mbi si mbi te.”

2 Samuel 16:21

Ahitofel akiri tënë na Absalom: “Ambeni wali so babâ ti mo azia ala ti bata yangbo so, ayeke nzoni mo gue, mo lango na ala. Tongaso si azo ti Israel ahinga atene, mo ga sioni na le ti babâ ti mo awe si be ti azo so amu peko ti mo so akpengba.”

Amato 19:27

Molenge ti mbi, tongana mo ye ti ma wango pepe, mo do lege ti mandango ye, mo zia ma!

Awatokua 23:15

Tongaso, ayeke nzoni ala na azo ti *Kota Bongbi ti Fango Ngbanga, ala tokua na kota komanda ti aturugu ti Rome titene a mu Paul, a ga na lo. Ala tene, ala ye ti hinga ambeni tënë na ndö ti lo nzoni. Ti e, e yeke leke tere ti fâ lo kozoni si lo si.”