2 Samuel 13:3 - Mbeti ti Nzapa - Tënë so amu fini

³ Mbeni mba ti Amnon ayeke daa; iri ti lo Yonadab. Lo yeke molenge ti Shama; Shama ni ayeke ita ti David. Yonadab ayeke mbeni zo so ayeke sara ye na lege ti ndara mingi.

2 Samuel 13:3 ပူးပေါင်းရင်းမြစ်များ

Tongo nda ti aye 3:1

Ngbo ayeke na kode ti handango ndo ahon anyama ti ngonda so kue KOTA GBIA Nzapa asara ala. Lo hunda wali ni, lo tene: “Nzapa atene na ala: ‘Ala te ale ti keke so kue ayeke na yaka ni so pepe’ biani?”

Tongo nda ti aye 38:1

Na ngoi ni so, Juda azia a-ita ti lo si lo gue na ndo ti mbeni zo ti kodro ti Adulam, so iri ti lo Hira.

Tongo nda ti aye 38:20

Juda atokua mba ti lo, zo ti kodro ti Adulam titene lo gue na kete koli-taba ni si lo mu aye ti lo so lo zia ni na ndo ti wali so. Me mba ti lo ni ague, awara wali ni pepe.

2 Samuel 13:2

Be ti Amnon ayeke gi na nduzu ndali ti ita ti lo Tamar. Biani Tamar ade ti hinga koli pepe, nilaa ayeke ngangu na Amnon ti pusu nduru na Tamar.

2 Samuel 13:32

Yonadab, molenge ti Shama, ita ti David amu tënë si atene: “Gbia ti mbi, a fâ amolenge ti mo kue pepe. Gi Amnon oko laa akui. Absalom aleke lani na be ti lo ti sara ye so na ngoi so Amnon abuba Tamar so.

2 Samuel 13:4

Yonadab ahunda Amnon, atene: “Molenge ti gbia, ngbanga ti nyen laa lakue na ndaperere tere ti mo anzere pepe so? Mo lingbi ti tene na mbi nda ni pepe?” Amnon akiri tënë na lo: “Mbi sara nzara ti Tamar mingi, ita ti Absalom ti wali so ayeke nga ita ti mbi.”

2 Samuel 14:2

Nilaa lo tokua azo na gbata ti Tekoa ti iri mbeni wali ti ndara. Lo tene na wali ni, lo tene: “Fade mo sara ye tongana zo so ayeke na mua; yu abongo ti mua, zia yombo na tere ti mo pepe. Mo sara ye tongana mbeni wali so ayeke na mua aninga awe.

2 Samuel 21:21

Lo gi yanga ti azo ti Israel. Tongaso, Jonatan, molenge ti Shama afâ lo. Shama ayeke ita ti David.

1 Mbai 2:13

Yese adu amolenge mbarambara. Kozo molenge ni ayeke Eliab, use ni Abinadab, ota ni Shama,

1 Mbai 27:32

Jonatan, ita ti baba ti David ayeke wamungo-wango na gbia. Jonatan ahinga ndo mingi, lo hinga nga mbeti mingi. Yehiel, molenge ti Hakmoni laa ayeke baa lege ti fango ye na amolenge ti gbia.

Esther 5:10

Me Haman akanga be ti lo si lo gue na da ti lo. Na pekoni, lo tokua titene a iri amba ti lo so lo na ala aye tere mingi nga na wali ti lo Zeresh.

Esther 5:14

Tongaso Zeresh, wali ti Haman, lo na azo so kue Haman na ala aye tere mingi atene na lo: “Ayeke nzoni a leke mbeni keke so ayo na nduzu metere baleuse na oku. Kekereke na ndaperere, mo tene na gbia titene a kanga go ti Mardochée na tere ti keke ni na nduzu. Tongaso si mo lingbi ti duti na ngia ti gue na matanga ti tengo kobe ni, mo na gbia.” Tënë ni anzere na be ti Haman si lo hunda titene a kpo keke ni na nduzu.

Esther 6:13

Haman afa na wali ti lo Zeresh nga na amba ti lo so lo na ala aye tere mingi peko ti aye so kue asi so. Wali ti lo Zeresh na amba ti lo so ayeke azo ti ndara atene na lo, atene: “Mardochée so mo to nda ti ti na gbe ti lo awe so ayeke biani zuife; tingo ti mo kue kue kue na gbe ti lo laa. Mo yeke gbu le ni ande na lo pepe.”

Amato 19:6

Azo mingi ayeke tene anzerengo tënë ti handa na akota zo; azo kue aye tënë ti zo so ayeke mu kadoo na azo.

Jérémie 4:22

KOTA GBIA atene: “Biani, li ti azo ti mbi ayeke daa pepe, ala hinga mbi pepe. Ala yeke amolenge so li ti ala ayeke daa pepe; ala hinga ye oko pepe. Ala yapu na sarango sioni ye; me ala hinga ti sara nzoni ye pepe.”

1 Korente 3:19

Biani, ndara ti azo ti dunia so ayeke ye ti buba na le ti Nzapa. A su na ya ti Mbeti ti Nzapa, atene: “Lo yeke gbu azo ti ndara na lege ti mayere ti ala wani.”

Jacques 3:15

Mara ti ndara tongaso alondo na yayu pepe, alondo na sese so, alondo na azo, alondo nga na Zabolo.

Awafango-ngbanga 14:20

Âdu ti wali ti Samson, a mu lo na mbeni maseka-koli so azo amu lo ti duti na tere ti lo na lango ti matanga ni.

1 Samuel 16:11

Samuel atene na Yese: “Amolenge ni kue laa?” Yese akiri tënë: “Angba kete molenge ni. Lo laa lo yeke bata anyama.” Samuel atene na Yese: “Tokua mbeni zo airi lo. Lo ga kue si e te kobe.”

1 Samuel 16:9

Yese airi Shama titene lo ga si Samuel abaa lo. Me Samuel atene: “Lo so laa KOTA GBIA asoro lo pepe.”