2 Samuel 13:28 - Mbeti ti Nzapa - Tënë so amu fini

²⁸ Na pekoni, Absalom amu yanga na azo ti kua ti lo, atene: “Ala baa Amnon nzoni. Na ndembe so lo nyon samba ahon ndö ti lo si be ti lo ayeke na ngia, tongana mbi tene na ala: ‘Ala pika Amnon!’, fade ala pika lo, ala fâ lo. Ala sara mbeto pepe, mbi laa mbi mu yanga na ala! Ala gbu ngangu, ala sara ye ti koli!”

2 Samuel 13:28 ပူးပေါင်းရင်းမြစ်များ

Tongo nda ti aye 9:21

Lo nyon vin ti yaka ni; vin ni asara lo si lo lango na gbe ti da ti lo bongo, tere ti lo senge.

2 Samuel 11:13

David atisa Urii ti te kobe na ti nyon ye; lo mu samba na Urii ahon ndoni. Me na lakui ni, Urii ague, alango na ndo so aturugu ti batango gbia ayeke lango daa; lo gue na da ti lo pepe.

2 Samuel 11:15

Lo su na ya ti mbeti ni, lo tene: “Ala zia Urii na mbeni ndo so bira ayeke kporo daa ngangu; ala kiri ti ala na peko, ala zia gi lo oko si awato apika lo afâ lo.”

2 Samuel 12:10

Ti fadeso, tënë ti fango zo ayeke ngba lakue na ya ti da ti mo, ngbanga ti so mo baa mbi tongana mbumbuse ye si mo mu wali ti Urii, zo ti mara ti Het si lo ga wali ti mo.

2 Samuel 13:27

Absalom angba gi na ndö ti oko hunda ni si gbia azia lege na Amnon na tanga ti amolenge ni kue ti gue.

2 Samuel 14:6

Mbi yeke na amolenge-koli use; ala tiri na ya ti ngonda. Mbeni apika ita ti lo afâ lo, ngbanga ti so mbeni zo ti kangbi ya ti ala ayeke daa pepe.

1 Agbia 20:16

Na bekombite, aturugu ni alondo na bira. Na ndembe ni so, Ben-Hadad angba ti nyon samba ahon ndoni na ya ti ada ti bongo, lo na agbia baleota na use, ala so aga ti mu maboko na lo.

Esther 1:10

Na lango mbarambara ti matanga ni, na peko ti so lo nyon vin ngbii si tere ti lo anzere awe, lo mu yanga na *ambaiwa ti lo mbarambara Mehuman, Bizta, Harbona, Bigta, Abagta, Zetar na Karkas

Abia (Psaumes) 104:15

vin asara si tere ti zo anzere, asara si le ti zo aza ahon mafuta so zo asara na le ti lo; kobe akiri amu ngangu na zo.

Sigingo 1:18

Tongaso gbia ti Ezipte airi awali ni si lo hunda ala, lo tene: “Ala sara ye tongaso ngbanga ti nyen? Ala zia amolenge-koli angba na fini ngbanga ti nyen?”

Zo ti bongbingo azo 10:19

Titene akota zo asara ngia, ala yeke te pendere kobe. Vin asara si tere ti ala anzere; nginza ayeke mu ye kue na ala.

Zo ti bongbingo azo 9:7

Tongaso, mo gue, mo te kobe ti mo na ngia, mo nyon vin ti mo na ngia na be ti mo, ngbanga ti so Nzapa ayeda na aye so mo sara awe.

Daniel 5:30

Gi na bi ni, azo afâ Baltazar, gbia ti Babilone.

Nahum 1:10

Awato ti ala ni ayeke tongana gba ti akeke ti ki so ali ya ti tere kirikiri; awato ni anyon samba ahon ndö ti ala awe. Fade ala yeke gbi kue tongana holengo pere.

Nzoni Tënë so Luc asu na mbeti 21:34

“Ala sara hange! Ala zia be ti ala kue na nyongo samba ahon ndoni na tengo kobe ahon ndoni pepe, ala gi be ti ala na ndö ti gigi ti ala pepe. Tongana ala sara hange pepe, lango ni so ayeke wara ala

Awatokua 5:29

Pierre na awatokua akiri tënë: “Alingbi e ma yanga ti Nzapa ahon ti azo.

Josué 1:9

Mbi mu yanga na mo, mbi tene: gbu ngangu, mo sara ye ti koli! Zia mbeto asara mo pepe, zia mbeto ahon ndö ti mo pepe, ngbanga ti so mbi KOTA GBIA, Nzapa ti mo, fade mbi yeke na mo na ndo so kue mo yeke gue daa.”

Awafango-ngbanga 19:22

So ala ngba ti te, ti nyon, akoli ti gbata ni na agodobe aga si ala ngoro da ni kue. Ala pika yanga ti da ni ngangu si ala tene na mbakoro-koli ni so ayeke wa ti da ni, atene: “Sigigi na koli so ayeke na ya ti da ti mo so. E ye ti lango na lo.”

Awafango-ngbanga 19:6

Tongaso akoli use so aduti, ala te si ala nyon. Na pekoni, babâ ti wali ni atene na zo ti mara ti Lévi ni, atene: “Yeda, mo ngba mo lango ge na bi so, be ti mo awara ngia si!”

Awafango-ngbanga 19:9

Koli ni alondo ti gue, lo na wali ti lo na zo ti kua ti lo. Me kogara ti lo atene na lo: “Baa, lâ akui awe si ndo aga nduru ti vuko awe. Ngba mo lango, be ti mo awara ngia si. Kekereke na kota ndaperere, ala mu lege ti kiri na ndo ti ala senge.”

Ruth 3:7

Booz ate, anyon si tere ti lo anzere. Na pekoni, lo gue, lo lango na tere ti gba ti ale ti kobe ti lo. Ruth ague yeke-yeke, azi bongo so Booz azia na ndö ti lo, na mbage ti gere ti lo so si lo lango na mbage ti gere ti Booz.

1 Samuel 18:22

Saul amu yanga na azo ti gbe ti lo, atene: “Ala tene na David na hondengo ni, atene: ‘Gbia aye tënë ti mo si e azo ti gbe ti lo kue, e ye mo. Ayeke nzoni mo yeda ti ga kogara ti lo.’ ”

1 Samuel 28:10

Saul adeba yanga ti lo na iri ti KOTA GBIA, atene: “KOTA GBIA ayeke na fini! Tongana mo sara ye ni, mbeni ye oko ti sarango mo ayeke daa pepe.”

1 Samuel 28:13

Gbia atene na lo: “Sara mbeto pepe. Mo baa nyen?” Wali ni atene na Saul: “Mbi baa mbeni toro so alondo na gbe ti sese si ayeke sigigi.”