2 Samuel 13:25 - Mbeti ti Nzapa - Tënë so amu fini

²⁵ Gbia akiri tënë na Absalom: “Ên-en, molenge ti mbi! Tongana e kue, e gue, fade ayeke ga kungba na ndö ti mo mingi.” Absalom angba gi na ndö ti tisango ndo ni, me gbia ake ti gue. Lo sara gi tufa na ndö ti Absalom.

2 Samuel 13:25 ပူးပေါင်းရင်းမြစ်များ

2 Samuel 13:24

Absalom ague, awara gbia si atene na lo: “Gbia, mbi yeke na azo ti fango kua ti tere ti ataba na da ti mbi. Tongana gbia abaa nzoni, lo na azo ti yangbo ti lo kue aga daa maa.”

2 Samuel 13:26

Absalom atene: “Zia lege na ita ti mbi Amnon, e na lo, e gue ma!” Gbia akiri tënë na lo: “Lo gue na ndo ti mo ngbanga ti nyen?”

2 Samuel 14:22

Yoab akuku akpo li ti lo na sese si lo mu singila na gbia, lo tene: “Gbia, laso mbi hinga, mbi tene, mo baa mbi na nzoni le awe, ngbanga ti so mo yeda ti sara ye alingbi na tënë so mbi tene.”

Nzoni Tënë so Luc asu na mbeti 14:23

Tongaso makonzi ni atene na zo ti kua ni: ‘Gue na ndö ti alege nga na tere ti agbagba, mo mu azo na ngangu mo ga na ala, tongaso si ya ti da ti mbi asi singo.’

Nzoni Tënë so Luc asu na mbeti 24:29

Me ala gbanzi lo, atene: “Mo ngba na e ge, ngbanga ti so lâ aga nduru ti kui si ndo ato nda ti vuko.” Lo li na ya ti da si lo ngba na ala.

Awatokua 16:15

Na peko ti so lo na azo ti da ti lo awara bateme, lo iri e, lo tene: “Tongana ala baa so mbi ma na be na Kota Gbia biani, ala ga, alango na ya ti da ti mbi.” Lo voro e ngbii si e yeda.

Ruth 2:4

Na pekoni, Booz alondo na Betlehem asi. Lo bara azo ti fango ale ti kobe ni, lo tene: “KOTA GBIA aduti na ala-oo!” Azo ti fango ale ti kobe ni abara lo, atene: “KOTA GBIA asara tufa na ndö ti mo-oo!”