2 Samuel 13:22 - Mbeti ti Nzapa - Tënë so amu fini

²² Absalom azi yanga oko na Amnon pepe, be ti lo ake Amnon ngbanga ti so lo buba Tamar, ita ti Absalom.

2 Samuel 13:22 ပူးပေါင်းရင်းမြစ်များ

Tongo nda ti aye 24:50

Laban na Betuel akiri tënë, atene: “KOTA GBIA laa aleke ye ni tongaso. E yeke na mbeni tënë ti tene daa pepe, ataa tënë ti nzoni, wala tënë ti sioni.

Tongo nda ti aye 31:24

Me Nzapa asi na Laban na ya ti bango-li na bi si atene na lo: “Mo sara hange! Tene tënë oko na Jacob pepe, ataa nzoni tënë wala sioni tënë.”

Tongo nda ti aye 31:29

Mbi yeke na ngangu ti sara sioni na ala. Me biri na bi, Nzapa ti babâ ti mo atene na mbi: ‘Sara hange! Tene tënë oko na Jacob pepe, ataa nzoni tënë wala sioni tënë.’

2 Samuel 13:21

So gbia David ama tënë ti ye so asi so, ngonzo agbu lo mingi.

Amato 10:18

Zo so ahonde tënë ti kengo amba ti lo, lo yeke zo ti tenengo mvene; zo so adu mvene na li ti azo, lo yeke zo so li ti lo ayeke daa pepe.

Amato 25:9

Tongana mo na mba ti mo awara tënë, ayeke nzoni mo na lo aleke tënë ni; me tënë so mbeni zo atene na mo na hondengo ni, mo sigigi na ni pepe.

Amato 26:24

Zo ti kengo azo ahonde tere ti lo na peko ti atënë ti lo; na ya ti be ti lo kâ, lo leke atënë ti handa.

Amato 26:26

Na lege ti mayere, lo lingbi ti honde tënë ti kengo azo, me fade sioni ti lo ayeke sigigi na le ti azo kue polele.

Zo ti bongbingo azo 7:9

Alingbi mo sara ngonzo hio hio pepe; azo ti buba laa ayeke sara ngonzo hio hio.

Matthieu 18:15

“Tongana ita ti mo asara siokpari ti ke mo, mo gue, mo baa lo; mo na lo aduti use si mo fa na lo sioni ti lo. Tongana lo ma mo, andaa mo kiri na ita ti mo na nzoni lege awe.

Efeze 4:26

Tongana ala sara ngonzo, ala sara hange si ala sara siokpari pepe; ala bata ngonzo na be ti ala ngbii asi na lakui pepe.

Efeze 4:31

Batango zo na be, songo be, ngonzo, dekongo na li ti zo, zongango zo, sarango sioni na zo, alingbi aye tongaso ayeke na popo ti ala mbeni pepe.

1 Jean 2:11

Me zo so be ti lo ake ita ti lo, andaa lo yeke na ya ti vukongo ndo; lo yeke tambula na ya ti vukongo ndo, lo hinga ndo so lo yeke gue daa pepe, ngbanga ti so vukongo ndo ni avuko le ti lo awe.

1 Jean 2:9

Zo so atene, ni yeke na ya ti lumiere si be ti lo angba ti ke ita ti lo, andaa lo ngba na ya ti vukongo ndo.

1 Jean 3:10

Ye so ayeke fa atene, zo ayeke molenge ti Nzapa wala molenge ti Zabolo ayeke so: zo so ayeke sara ye ti mbirimbiri pepe, wala lo ye ita ti lo pepe, lo yeke zo ti Nzapa pepe.

1 Jean 3:12

E sara ye tongana Kain pepe: lo yeke zo ti Sioni wato si lo fâ ita ti lo Abel. Ngbanga ti nyen si lo fâ lo? Ngbanga ti so ye so Kain ayeke sara, ayeke sioni si ti ita ti lo ayeke mbirimbiri.

1 Jean 3:15

Zo so ake ita ti lo, lo yeke zo ti fango zo. Ala hinga kue, fini so angba lakue lakue ayeke duti ye ti zo ti fango zo pepe.