2 Samuel 13:21 - Mbeti ti Nzapa - Tënë so amu fini

²¹ So gbia David ama tënë ti ye so asi so, ngonzo agbu lo mingi.

2 Samuel 13:21 ပူးပေါင်းရင်းမြစ်များ

Tongo nda ti aye 34:7

Amolenge ti Jacob alondo na ngonda akiri si ala ma tënë ti ye so asi so. Ala hinga atene so bubango ala laa. Ala sara ngonzo ngangu ngbanga ti ye so Sishem asara so. Biani, Sishem asara ye ti kamene mingi na Israel, so lo lango na molenge ti Jacob ti wali so; zo ayeke sara ye tongaso pepe na Israel.

Tongo nda ti aye 35:22

Na ndembe so Israel ayeke duti na sese so, Ruben ague, alango na Bila, mbeni wali ti babâ ti lo. Israel ama tënë ni. Amolenge ti Jacob ti koli kue ayeke baleoko na use.

2 Samuel 12:10

Ti fadeso, tënë ti fango zo ayeke ngba lakue na ya ti da ti mo, ngbanga ti so mo baa mbi tongana mbumbuse ye si mo mu wali ti Urii, zo ti mara ti Het si lo ga wali ti mo.

2 Samuel 12:5

Ngonzo agbu David mingi na tere ti koli so. Lo tene na Natan: “KOTA GBIA ayeke na fini! Koli so asara ye so alingbi na kuâ.

2 Samuel 13:20

Ita ti lo Absalom ahunda lo, atene: “Ita ti mo Amnon alango na mo? De be ti mo! Tene tënë ni na zo oko pepe; ita ti mo laa. Zia be ti mo daa pepe.” Nilaa Tamar ayeke lango na ya ti da ti ita ti lo Absalom tongana mbeni wali so zo ado lo azia.

2 Samuel 13:22

Absalom azi yanga oko na Amnon pepe, be ti lo ake Amnon ngbanga ti so lo buba Tamar, ita ti Absalom.

Abia (Psaumes) 101:8

Lakue na ndaperere, mbi yeke kanga yanga ti azo ti sioni kue ti kodro; tongaso si mbi yeke zi azo ti sarango sioni so kue ayeke na gbata ti KOTA GBIA.

1 Samuel 2:29

Ngbanga ti nyen laa mo na amolenge ti mo ayeke baa sandaga ti mbi na ye so mbi mu yanga si azo aga na ni na ya ti da ti mbi, tongana mbeni buba ye na le ti ala so? Ngbanga ti nyen laa mo ne amolenge ti mo ahon mbi? Azo ti mbi so ayeke azo ti Israel aga na mbi anzoni ye ti mu na sandaga. Ngbanga ti nyen laa mo na amolenge ti mo ayeke te ni si ala yeke kono na ni so?