2 Samuel 13:19 - Mbeti ti Nzapa - Tënë so amu fini

¹⁹ Tamar amu mburu ti wâ, lo tuku na li ti lo, lo suru yongoro bongo ti nzoroko so lo yu so. Lo zia maboko ti lo na li ti lo si lo gue na dekongo na yanga ti lo.

2 Samuel 13:19 ပူးပေါင်းရင်းမြစ်များ

Tongo nda ti aye 37:29

So Ruben akiri aga abaa ndo na ya ti du ti ngu ni, Joseph ayeke na ya ni pepe. Lo suru bongo na tere ti lo,

2 Samuel 1:11

David agbu bongo ti lo wani si lo suru ni; azo so kue ayeke na tere ti lo asara nga tongana ti lo.

2 Samuel 1:2

Na ota lango ni, mbeni koli alondo na ya ti bâbâ ti Saul asi. Bongo ti lo asuru surungo, ya ti li ti lo kue gi na sese ti fa vundu ti be ti lo. So lo si nduru na David awe, lo kuku, lo kpo li ti lo na sese.

2 Samuel 13:20

Ita ti lo Absalom ahunda lo, atene: “Ita ti mo Amnon alango na mo? De be ti mo! Tene tënë ni na zo oko pepe; ita ti mo laa. Zia be ti mo daa pepe.” Nilaa Tamar ayeke lango na ya ti da ti ita ti lo Absalom tongana mbeni wali so zo ado lo azia.

Esther 4:1

So Mardochée ama tënë ti ye so kue asi so, lo suru bongo na tere ti lo, lo yu bongo ti mua si lo tuku mburu ti wâ na li ti lo. Lo tambula na ya ti gbata ti Suze kue, na kota mawa na be ti lo, lo yeke dekongo.

Mbeti ti Job 2:12

So ala ngba yongoro, ala baa Job, me ala hinga lo pepe. Tongaso ala yoro yanga ti ala na kota toto. Zo oko oko asuru kota bongo ti lo ti de, ala tuku fuku ti sese na nduzu si akiri atuku na ya ti li ti ala.

Mbeti ti Job 42:6

Ndani laa, be ti mbi aso ndali ti tënë so lani mbi tene. Mbi hinga so tënë ni ayeke na legeni pepe; mbi duti na ya ti fuku ti sese, na ya ti mburu ti wâ.

Jérémie 2:37

Fade mo yeke londo kâ ti kiri, li ti mo aba na sese, ngbanga ti so KOTA GBIA ake azo so mo mu tere ti mo na ala so. So nzoni lege titene mo bata tere ti mo laa pepe.”

Josué 7:6

Josué na *akangba ti Israel asuru bongo na tere ti ala. Ti londo na ndaperere ngbii asi na lakui, ala ti akpo li ti ala na sese na dawa ti sanduku ti mbuki ti KOTA GBIA; ala tuku fuku ti sese na li ti ala.

1 Samuel 4:12

Gi na lango ni so, mbeni koli ti mara ti Benjamin alondo na yanga ti bira kâ, akpe asi na Silo, lo suru bongo na tere ti lo kue; lo tuku fuku ti sese na ya ti li ti lo.