2 Samuel 13:14 - Mbeti ti Nzapa - Tënë so amu fini

¹⁴ Me Amnon aye ti ma lo pepe. Lo gbu Tamar na ngangu si lo hinga lo.

2 Samuel 13:14 ပူးပေါင်းရင်းမြစ်များ

Tongo nda ti aye 34:2

Sishem, molenge ti Hamor, zo ti mara ti Hivi, makonzi ti kodro ni, abaa Dina, lo mu lo, lo hon na lo, lo gbu lo na ngangu si lo lango na lo.

2 Samuel 12:11

Tënë so KOTA GBIA atene ayeke so: Mbi yeke sara titene mbeni ye ti sioni alondo na da ti mo wani si awara mo. Fade mbi yeke mu awali ti mo na le ti mo ti mu na mbeni koli so mo hinga lo nzoni; koli ni ayeke lango na awali ti mo na kota lâ.

2 Samuel 13:15

Na pekoni, be ti Amnon akiri ake Tamar mingi. Lo ke Tamar ahon nzara ti lo so lo yeke na ni kozo so. Amnon atene na Tamar: “Londo, mo hon kâ!”

Esther 7:8

Gbia alondo na ndo so a lu apendere kongo daa so si lo kiri, lo ga na kota ya ti da ti tengo kobe ni. Tongaso, lo baa Haman so ati na tere ti Esther na ya ti kota ngende so Esther ayeke daa. Ngonzo ti gbia akiri alondo ngangu si lo dekongo atene: “Na ndö ni kue, lo ye ti gbu wali ti mbi na ngangu ti lango na lo taa na le ti mbi na ya ti yangbo ti mbi?” Gi so lo tene tënë ni tongaso, azo ti kua ti gbia agbu Haman si ala kanga le ti lo na bongo.

Awayango-sandaga 18:9

“Alingbi mo lango na ita ti mo ti wali pepe, ataa babâ ti mo laa adu lo, wala mama ti mo laa adu lo, ataa a bata lo na ya ti sewa ti mo, wala na ya ti mbeni sewa nde.

Ndia ti fani use ni 27:22

‘Deba aga na ndö ti zo so alango na ita ti lo ti wali, ataa lo na ita ti lo ni ayeke babâ oko, wala ala yeke mama oko!’ Fade azo kue ayeke kiri tënë, atene: ‘Amen!’

Awafango-ngbanga 20:5

Azo ti Gibea alondo na tere ti mbi na bi, ala ngoro tere ti da so mbi lango daa, ala ye ti fâ gi mbi. Me ala mu wali ti mbi, ala lango na lo ngbii lo kui.