2 Samuel 13:12 - Mbeti ti Nzapa - Tënë so amu fini

¹² Tamar atene: “Ên-en, ita ti mbi; mo buba mbi pepe. Azo ti Israel ayeke sara mara ti ye tongaso pepe, sara ye ti buba tongaso pepe!

2 Samuel 13:12 ပူးပေါင်းရင်းမြစ်များ

Tongo nda ti aye 34:2

Sishem, molenge ti Hamor, zo ti mara ti Hivi, makonzi ti kodro ni, abaa Dina, lo mu lo, lo hon na lo, lo gbu lo na ngangu si lo lango na lo.

Tongo nda ti aye 34:7

Amolenge ti Jacob alondo na ngonda akiri si ala ma tënë ti ye so asi so. Ala hinga atene so bubango ala laa. Ala sara ngonzo ngangu ngbanga ti ye so Sishem asara so. Biani, Sishem asara ye ti kamene mingi na Israel, so lo lango na molenge ti Jacob ti wali so; zo ayeke sara ye tongaso pepe na Israel.

Amato 7:7

Mbi baa ambeni zo so le ti ala ahan pepe; mbi baa na popo ti ala mbeni maseka-koli so li ti lo ayeke daa pepe.

Jérémie 29:23

Ye so ayeke si na ala, ngbanga ti so ala sara kota ye ti kamene na sese ti Israel. Biani, ala lango na awali ti amba ti ala si ala tene, ani yeke tene peko ti atënë ti yanga ti mbi, ataa so mbi mu yanga na ala oko pepe. Mbi hinga ye so kue si mbi baa ye so kue.” So tënë ti yanga ti KOTA GBIA laa.

Awayango-sandaga 18:11

“Molenge-wali so mbeni wali ti babâ ti mo adu, alingbi mo lango na lo pepe. Molenge ti babâ ti mo laa; so ita ti mo ti wali laa.

Awayango-sandaga 18:9

“Alingbi mo lango na ita ti mo ti wali pepe, ataa babâ ti mo laa adu lo, wala mama ti mo laa adu lo, ataa a bata lo na ya ti sewa ti mo, wala na ya ti mbeni sewa nde.

Awayango-sandaga 20:17

“Tongana mbeni koli amu ita ti lo ti wali so babâ ti lo adu, wala ita ti lo ti wali so mama ti lo adu ti ga wali ti lo si lo lango na lo, so sarango ye ti kamene laa. Fade a yeke tumba ala na le ti azo ti Israel kue. Ndali ti so koli ni alango na ita ti lo ti wali, sioni ti lo ayeke kiri na li ti lo wani.

Ndia ti fani use ni 22:21

fade a yeke gue na lo na yanga ti da ti babâ ti lo; akoli ti gbata ni ayeke bo lo na têne ngbii lo kui. Biani, lo sara ye ti sioni mingi na sese ti Israel na lege ti sarango ye ti ndumba na ndembe so lo de na da ti babâ ti lo. Lege so ala, azo ti Israel, ala yeke zi sioni ye na popo ti ala laa.

Ndia ti fani use ni 22:29

fade koli ni ayeke futa na babâ ti maseka-wali ni ale ti nginza baleoku. Na pekoni, lo yeke mu maseka-wali ni ti ga wali ti lo. Na lango ti fini ti lo kue, lo lingbi ti tumba wali ni oko pepe.

Awafango-ngbanga 19:23

Wa ti da ni asigigi si atene na ala: “A-ita ti mbi, mbi gbu gere ti ala, ala sara sioni tongaso pepe! Koli so aga gene na da ti mbi awe. Ala lingbi ti sara sioni ye tongaso na lo pepe.

Awafango-ngbanga 20:6

Mbi mu kuâ ti wali ti mbi, mbi fâ ya ni mbi tokua na sese ti Israel kue. Biani, azo ni asara ye ti sioni so zo alingbi ti baa na le ti lo fani use pepe, ala sara ye ti buba na sese ti Israel.